Is Pregadorias antigas: su signo de sa devozioni - Provincia del ...

Comune di Furtei
9) Dióscuru nonostanti
de dha podi indusi cunfiat
s’in lontanus logus partiat,
sperendidha incostanti,
e dhi preparat intanti
dógnia comodidadi. Rit.
10) Duas fentanas solamenti
teniat sa turri istrana,
Issa una tertza fentana
fait oberri sapienti
candu Issu est assenti
po onorai sa Trinidadi. Rit.
11) De sa turri s’internu totu
(rischiarau de prus luxi)
campégiat una gruxi
de Bàrbara po altu votu,
aendi bèni connotu
su mistériu de piedadi. Rit.
12) Dióscuru, apena torrau
e bida sa novidadi,
prenu de ferotzidadi
un’ispada at aferrau
contra a Bàrbara aventau…
fúria de crudelidadi. Rit.
13) Ma virtudi soberana
sa Vírgini nd’at salvau:
unu massu s’est ispacau
fendi passu a sa Cristiana,
mentris si fuiat lontana
a tanti malignidadi. Rit.
14) Aici podit arribbai
a su monti in d-una gruta,
aundi si tenit oculta
sentza de si manifestai
de Dióscuru po evitai
s’inícua severidadi. Rit.
15) Però pagu nc’est aturada,
poita issu cun diligéntzia
dha circat e cun averténtzia
in brevi dh’at incontrada:
in terra dh’at calpestada,
feroci barbaridadi. Rit.
16) E in ódiu ancora furenti,
de montagna dirupada
Bàrbara nd’est trascinada
a Marcianu Presidenti,
po èssi punia s’innotzenti
de imperiali autoridadi. Rit.
17) Su Présidi però innantis
tentat de dha fai pagana;
ma Issa aturat Cristiana,
trancuilla e perseveranti:
Issu dh’órdinat a s’istanti
chi obbidat sa podestadi. Rit.
18) Aendi invanu cumandau,
Marcianu dha fait ispollai
e crudelmenti flagellai
chi su corpu siat alliagau
e prus e prus martoriau
sentza de lastimidadi. Rit.
19) E su paganu livori
de unu tali presidenti
in presoni pestilenti
serrat Bàrbara a rigori,
ma inní a issa su Signori
cumparit cun magestadi. Rit.
20) De luxi immensa circundau
Gesús Bàrbara cunfortat,
e a prus patiri dh’esortat:
Giuliana matrona osservau
at su presoni illuminau
de Divina Umanidadi. Rit.
21) Candu Giuliana avertit
e connoscit su mistériu,
cun proponimentu sériu
a sa Fidi si cunvertit,
po chi sa palma s’atzertit
de morri in sa beridadi. Rit.
95