Is Pregadorias antigas: su signo de sa devozioni - Provincia del ...

90
Sacru Coru 125
Non miris cun rigori,
Non ti bollu ofendi prus:
Coru amanti de Gesús,
Arriciri cun amori.
1) Coru piedosu e crementi,
Coru fideli amorosu,
Coru chi prenis de gosu
dogn’ànima penitenti,
Coru chi benignamenti
arricis su pecadori. Rit.
2) Cussa corona chi biu
de ispinas trumentau,
su coru tuu, Gesús miu,
crudelmenti trapassau
chini ti dh’at fatu isciu:
su coru miu traitori! Rit.
3) Tali crudeli ferida
chi in cussu coru reparu
portu de divinu amparu
po s’ànima persighida,
funtana chi donat vida,
ristoru a su pecadori! Rit.
4) Su babbu eternu promitit
po cussu coru amorosu
cuncedit meda gustosu
cantu a nosu necessitit
si de issu si repitit
si lograt totu a s’istanti! Rit.
5) Custu coru apassionau
essendu in gruxi ispirendu
a su Babbu suu preghendu
po chi iat crucifissau
aici nos at imparau
su perdonu a s’aversanti! Rit.
6) A tanti ecessu de amori
su coru tuu t’at portau
chi ti ses sacramentau
IS PREGADORIAS ANTIGAS - SU SIGNU DE SA DEVOTZIONI
po su giustu e pecadori;
o amantíssimu Sennori
chi t’at obbligau a tanti? Rit.
7) Abbundanti de richesa,
mari de dónnia cuntentu,
de s’inferru ses turmentu
e de is àngelus bellesa
cuncedi nos puresa
e sa gràtzia cunfirmanti! Rit.
8) Po cudhu coru pretziosu
de mama tua virginali
libberanosí de mali
e de s’inferru orgogliosu
chi po issu vitoriosu
essat dogn’agonizanti! Rit.
Sa mexina de s’ogu pigau 126
Dèu ti tocu e Deus ti sanit
e ti ndi pighit sa malaria
e ti ndi pighit s’oghiadura
e prus forti su soli de sa luna
e sa Missa de sa Gióbia Santa
forti che cussa non nci nd’at atra
e sa Missa de sa noti de Natali
forti che cussa atra non nci nd’at
e sa Missa de Santa Anastasia
dèu ti tocu, Deus ti sanit
e ti ndi pighit sa malaria
immoi chi eus fatu tres bortas sa mexina.
Sant’Antoni paduanu 127
Portentu de su Signori
Postu in su mundu po ispantu,
Antoni, de Pàdua Santu,
Siast nostru protetori!
1) Planta bella frutuosa
Chi at plantau s’Onnipotenti,
Planta celesti viventi,