Is Pregadorias antigas: su signo de sa devozioni - Provincia del ...

Comune di Furtei
Pregadoria 95
Pillonedhu crispu crispu
ita portas in su pitzu
Ollusantu batiau
Gesugristu est nomenau
nomenau in sa Novena
Avi Maria, gràtzia prena.
Pregadoria 96
Pillonedhu pitiu pitiu
ti ses pesau in su bonu caminu
ti ses pesau in su bonu mengianu
ogus a Celu apu artziau
ogus a Celu a sa Groriosa
frisca ses che s’arrosa
frisca seis che su lillu
Mama cara cudhu Fillu
Mama cara cudhu Santu
Babbu, Fillu e Ispíritu Santu.
Pregadoria 97
Dèu mi fatzu sa gruxi in su fronti
candu Gesugristu fiat in su monti.
Dèu mi fatzu sa gruxi in buca
candu Gesugristu fiat in sa gruta.
Dèu mi fatzu sa gruxi in s’ànima
candu Gesugristu fiat in sa prama.
Dèu mi fatzu sa gruxi in su costau
candu Gesugristu fiat prostrau.
In nomine Patre, Maria Matre,
is doxi apòstolus, is cuatru evangelistas
custa est sa gruxi chi ant fatu a Cristu.
Pregadoria 98
Benedita siat sa ruxi
benedita custa spera
ca est sa Santa ruxi vera
beneditu cust’altari
friscu che su mari
che su mari friscu
siat lodau Gesugristu.
Pregadoria 99
Acuasanta mi cunsignu
e a Deus saludu in primu
e a Nostra Signora
no apu ascurtau Missa ancora
no seu sigura de dh’ascurtai,
Nostra Signora lassaimí intrai.
Pregadoria 100
Cuntenta ses ànima mia
de su pani chi as papau?
Ciuetu e cumossau
de su lati de Maria
cuntenta ses ànima mia.
Pregadoria 101
Ninna nanna cantu est s’òru,
sa mantíglia fiat de òru
su bistiri de abrocau,
Gesugristu fiat crocau,
nudu nudu e iscrobertu,
sa Gruxi fiat po letu
sa corona po cabidabi
su binti cincu de Natali
fuit nàsciu Sarbadori
gei nd’iat de lugori
in su partu de Maria
dormi Fillu ‘e coru,
riposa ninnia.
Pregadoria 102
Andada seu a bingixedha mia
e apu agatau sa bia arromada
e apu domandau a chi nc’est passada,
85