Is Pregadorias antigas: su signo de sa devozioni - Provincia del ...

82
14) Nisciunu prangit su fillu
si no s’afligia mama
aspetendi cussa fama
de su celesti consillu
ca non torrat a biri su lillu
chi una manu ndi at segau. Rit.
Itineràriu domu - Crésia 88
A su primu tocu de sa campana po sa Missa
Sa campana funt sonendu,
aundi s’Óstia cunsagrada
bèni ciueta e cumossada
de su lati de Maria
po nutrí s’ànima mia.
Nostra Signora Assunta 89
O dí de summa allirghia
E tantu privilegiada
Oi a su celu est artziada
In ànima e corpus Maria!
1) Oi, dí festiva e giucunda
cun vitoriosa prama
Maria Vírgini mama
at lassau oi su mundu,
est in giúbbilu giucundu
oi dogna gerarchia! Rit.
2) Oi, dí de felicidadi
dí de Deus destinada
a sa Vírgini Immaculada
po biri s’alta citadi
cun pompa e solennidadi
e celesti melodia! Rit.
3) De divinus iscuadronis
s’ària est totu ocupada
po fai festa a s’intrada
cun càntigus e cantzonis
IS PREGADORIAS ANTIGAS - SU SIGNU DE SA DEVOTZIONI
Tronus e Dominatzionis
festa faint a porfia! Rit.
4) Cun su Fillu Issa est una
in cussa corti giucunda
in tali pàtria fecunda
po gosai eterna vida
aundi de luxi bistida
bivit in bell’armonia! Rit.
5) Cun duplicau cuntentu,
cun innus e dulcis cantus
de is Àngelus e is Santus
at prus altu postu tentu
e cun úmili portamentu
dh’onorat sa gerarchia! Rit.
6) Fei festa o cristianus,
oi ndi fait puru su celu
cun festa in modu bellu
e càntigus soberanus,
donai is corus in manus
a Maria clementi e pia! Rit.
7) Pensai chi in d-un’istanti
sa prus digna criatura
est bolada giai a s’altura
de su soli prus radianti
e regnat triunfanti
cun illustri cumpangia! Rit.
8) Pensai cali postu at pigau
custa digna imperadora
e cun su corpus ancora
at sa terra abbandonau
e orfanus nos at lassau
in sa badh’e s’agonia! Rit.
9) A custa nosta postura
fillus bostus desolaus
de Tui mama isperaus
sighiri paxi segura,
po gosai cussa dulciura
siais a nosu bona ghia! Rit.