Is Pregadorias antigas: su signo de sa devozioni - Provincia del ...

76
3) Coru miu e vida
Chi de cussa intragna
Dogna montagna
Restat favorida,
Po abarrai cumplida
Cussa profetzia. Rit.
4) Soberana atesa,
Divinu Pipiu,
Poita ses nasciu
In sa poberesa;
Immensa grandesa,
Divinu tesoru. Rit.
5) Incarnada rosa,
De s’altu Orienti
O Mama diciosa
De s’Onnipotenti.
No isciu e comenti
Custu merescia. Rit.
6) Soberanu impériu
In sa palla postu
Po s’amori nostu
Patis cativériu,
Dulci refrigériu
De s’ànima mia. Rit.
7) Glória in is alturas
A su Redentori,
Paxi in is basciuras
A su pecadori,
Mannu e minori
Fatzat allirghia. Rit.
8) Dormi, Fillu miu,
Dormi cun riposu,
Divinu Pipiu,
Fillu gratziosu;
De su mundu gosu
E de s’ànima mia. Rit.
IS PREGADORIAS ANTIGAS - SU SIGNU DE SA DEVOTZIONI
9) Giusepi, diciosu
Ti podis lamai,
Beni po adorai
Su Rei gloriosu;
Goseus de su gosu
Chi gosat Maria. Rit.
10) Àngelus e Santus
Cun is Cherubbinus
E is Serafinus
Bengant totugantus,
Po biri is ispantus
De custu tesoru. Rit.
11) Príntzipis e Reis,
Dogna signoria,
Basintidhi is peis
A custu pipiu,
Su consolu miu
Est custu chi adoru. Rit.
12) Is pastoris allirghia
Ponint de festa,
Poita ca notesta
Est nàsciu su Messia,
Càstiant a Maria
Cun custu tesoru. Rit.
13) Su disconsolau
Bengat a innòi
Chi at a tenni oi
Consolu aspetau,
comenti dh’at donau
A s’ànima mia. Rit.
14) Is Reis de s’orienti
Benint po adorai,
Po manifestai
Su Rei Onnipotenti,
Portendi in presenti
Mirra, incensu e òru. Rit.