Is Pregadorias antigas: su signo de sa devozioni - Provincia del ...

Comune di Furtei
però creu chi s’amori
non ti lessit reparai.
Dèu bengu e tui bandas
a morri po imparai.
7) Non si ndi andat su sabori
de cudha fruta infetada,
po mei est apariciada
pena margura e dolori
ca de s’ómini s’amori
su coru mi ndi at pigau.
O mama, donaimí licéntzia
ca bandu a morri inclavau.
8) Cali coru non depit sunfriri
biendi a tui in turmentu,
chi depit tenni cuntentu
biendi a tui patiri,
fintzas is perdas sentiri
dèpinti dolori singulari.
Dèu bengu e tui bandas
a morri po imparai.
9) Non tenit apellatzioni
custa orríbbili senténtzia,
fai depu s’obbediéntzia
sentza nisciuna delatzioni
po donai redentzioni
a su mundu meda ostinau.
O mama, donaimí licéntzia
ca bandu a morri inclavau.
10) Fillu, sa beneditzioni
chi domandas a mei tui
dha domandu dèu a tui
cun vera sommissioni
po chi sa tua passioni
custu ti depit consolai.
Dèu bengu e tui bandas
a morri po imparai.
11) Benedita siast cantu mai
po cussu eternu rei,
benedita síasta de mei
e de s’Ispíritu Santu,
de cudhu celesti mantu
tengas consolu assigurau.
O mama, donaimí licéntzia
ca bandu a morri inclavau.
12) Beneditu, o fillu amau,
cussu babbu chi ti at inviau,
beneditu puru siat
su lati chi t’apu donau
e su sànguni ministrau
apu po ti generai.
Dèu bengu e tui bandas
a morri po imparai.
13) Addiu, mama afligia,
addiu, mama atristada,
de doloris assistida
de turmentu ingiriada,
po esémpiu destinada
po su miu apostolau.
O mama, donaimí licéntzia
ca bandu a morri inclavau.
Gesús Bambinu 80
Celesti tesoru
D’eterna allirghia,
Dormi, vida e coru,
Riposa anninnia.
1) Riposa, Signori,
Dormi, Fillu amau,
O Verbu Incarnau
Fatu Redentori
Po su pecadori
Patis agonia. Rit.
2) Soli riluxenti
D’eternu lugori
Su prus bellu flori
Chi tenit s’orienti;
Gravellu ecellenti
bellu prus de s’òru. Rit.
75