Is Pregadorias antigas: su signo de sa devozioni - Provincia del ...

Comune di Furtei
Segundu postu de onori
Si dhi donat prontamenti:
Ma bollit s’Onnipotenti
Chi pighit sa primatzia. Rit.
17) Sa dí sighenti a mangianu
Cambiau tenit s’altari,
Cun s’antiga Titulari
Sentza chi dha tochit manu:
E tre bortas est invanu
A su postu restituia. Rit.
18) In cust’altari est lassada,
E cun costanti evidéntzia
Mostrat chi sa Providéntzia
A Sardigna dh’at mandada;
Chi dispensit invocada
Gràtzias de dogna genia. Rit.
19) Maria Teresa Reina,
De is prodígius at sa fama,
Presentat a custa Mama
Sa fillixedha Cristina,
Chi oi in sa Glória Divina
Regnat a is Santus unia. Rit.
20) De sa sorti prus meschina
Est su rimédiu potenti,
De sa trista parturienti
Est sa Médica Dvina,
Est Probbàtica piscina
In casu de maladia. Rit.
21) Siat sa legusta o sa pesti
Ameletzant estermíniu,
S’invocat su patrocíniu
De cust’óspiti celesti;
E su prantu prus non c’esti:
Est torrada s’allegria. Rit.
22) Una mama desolada
Chi tenit in sa letera
Sa filla posta e sa cera
Po s’interru preparada
Dha súplicat e torrada
Est in vida sa pipia. Rit.
23) Cun cultu particulari
Is devotus marineris
E Sardus e Furisteris
Dh’onorant in cuss’altari,
In is arriscus de mari
Po s’assisténtzia arricia. Rit.
24) De is favoris reconnotus
In estremus abbisòngius
Funti tantis testimòngius
Cussus infinitus votus,
Aundi esprimint is devotus
Cudha gràtzia cunsighia. Rit.
25) In s’otuxentus setanta,
Po su cuintu Centenàriu
De festas un’otavàriu
Is Sardus tzelebranta;
Mama e Fillu incoronanta
Cun solenni liturgia. Rit.
26) De Sardigna totugantu
Ses sa màssima Patrona
Custa ispléndida corona
Papa Sartu grandu Santu
T’at donau cun grandu vantu
De sa terra preferia. Rit.
Benedita custa gruxi 75
Benedita custa gruxi
ca est sa vera Santa ruxi
benedita custa spera
ca est sa Santa gruxi vera
beneditu custu bentu
su Santíssimu Sacramentu
beneditu cust’altari
friscu che su mari
su mari friscu
siat lodau Gesugristu.
73