Is Pregadorias antigas: su signo de sa devozioni - Provincia del ...

Comune di Furtei
Beata Vírgini de su cramu 73
Suprema Reina esaltada,
Mama de Deus elegida,
Verga de Iesse florida
In su Carmelu prantada.
1) Sublimi monti Carmelu
Chi tenit sa Palestina
Cun opuléntzia divina
Is tesorus de su celu
Sentza nisciunu reselu
Dogna Gràtzia assigurada. Rit.
2) Is montis prus elevaus
In totus is emisférius
Chi cun divinus mistérius
Ti venerant cungregaus
A su Carmelu umiliaus
Cun riveréntzia ammirada. Rit.
3) Monti de abbundanti mina
E de celestis tesorus
Aundi serafinus e corus
Cantant sa glória divina
Armonia peregrina
De gràtzias totu adornada. Rit.
4) Monti d’ermosus planetas
Ocupau de Dotoris,
Ornau de Cunfessoris,
Monti de Santus Protetoris
Prenu de Anacoretas
E de donus illustrau. Rit.
5) Cumparis brillanti luxi
A Simoni anacoreta
E dhi fais sa santa oferta
De su Sagrau Scapolàriu,
Po bínciri s’aversàriu
S’ànima mortificada. Rit.
6) Su Sagrau Scapolàriu
Chi portant is Carmelitas
Issu donat s’isconfita
A is armas de s’aversàriu
Pretziosu relichiàriu
Prenda de Deus mandada. Rit.
7) Sa serpenti maledita
In s’infernali disterru
Timit prus de s’inferru
Un’ànima carmelita
Chi a sa glória est iscrita,
Elígia e predestinada. Rit.
8) Maria de su Carmelu
Aundi ses tanti serbida,
Donaisí gràtzias in custa vida
E in s’àtera su celu,
Dona fidi biva e zelu
Cun caridadi implorada. Rit.
71
Beatíssima Vírgini Maria de Bonaria 74
Salve Regina, benia
In d-una càscia po mari,
Gioja nostra singulari
De Bonària, Ave Maria.
1) Milli trexentus setanta
S’annu de s’era Cristiana,
Po una forti tramontana
De si perdi meda acanta,
Is marineris ghetanta
In su golfu mercantzia. Rit.
2) Una càscia a su momentu
Chi lompit a sa mareta
Comenti Gionas Profeta
Ghetada de bastimentu
Non prus infúriat su bentu
E sa burrasca est finia. Rit.
3) De parti a cudhu mundu
Po miràculus iscampaus
Mirant issus incantaus