Is Pregadorias antigas: su signo de sa devozioni - Provincia del ...

70
su motivu iscieis,
est giustu chi cunfesseis
chi mi potzu lamentai. Rit.
16) Pensa, ingratu pecadori,
chi a morti as cundennau
unu Deus tanti amau,
a sunfrí penas e doloris;
po t’èssi postu tant’amori
tui dh’as bófiu incravai. Rit.
17) Mamas chi fillus prangeis,
pregai de coru a Deus,
in su mundu nci seus
de passada, dhu scieis.
Su prantu miu imiteis,
bonus custu arregordai. Rit.
Atu de caridadi 68
Deus miu, si amu prus de totu is cosas,
si amu po is bènis chi de bosu apu
arriciu, si amu po is bènis, chi ancora
aspetu de arriciri, ma principalmenti
si amu po èssiri bosu unu Deus dignu
de infinitu amori e po amori bostu
amu ancora su próssimu miu cumenti
a mei atotu.
Atu de contritzioni 69
Misericórdia, Signori, mi pentu cun totu
su coru de is pecaus mius, mi pentu non
solu po is bènis chi apu pérdiu e po is
malis chi apu minésciu pechendu, ma
principalmenti mi ndi pentu poita ca
apu oféndiu su Deus tanti bonu e tanti
amàbbili cumenti sei bosu, bollemu èssiri
mortu innantis de s’ai oféndiu e propòngiu
firmamenti, cun sa gràtzia bosta,
de non s’ofendi mai prus de totus
is cosas e aici siat.
IS PREGADORIAS ANTIGAS - SU SIGNU DE SA DEVOTZIONI
Atu de fidi 70
Creu poita ca Deus est beridadi infallíbbili,
aici dh’at nau sa Santa Crésia, e po
mesu de sa Santa Crésia dhu naraus nosatrus.
Creu firmamenti chi c’est Deus su
cali prémiat is bonus e castigat is maus.
Creu chi custu Deus est unu solu in tres
personas realmenti Babbu, Fillu e Ispíridu
Santu. Creu chi su fillu de Deus si est
fatu ómini in is puríssimas intrànnias de
Maria Vírgini po òpera de s’Ispíridu Santu,
cument’e ómini est mortu in sa cruxi
po is pecaus nostus e sa tertza dí est risuscitau,
creu totu is atras beridadis de sa
fidi nosta santíssima po su própriu motivu
ca Deus dh’at nada a Santa Crésia e
po mesu de Santa Crésia dha narat a nosatrus.
Atu de isperantza 71
Deus miu, poita ca seis onnipotenti, misericordiosu
e fedelíssimu, isperu chi
m’eis a donai sa vida eterna chi m’eis
promítiu, po is méritus de Gesugristu,
fadendu dèu òperas de bonu cristianu,
cumenti propòngiu de fai cun is santus
ausílius bostus, is calis isperu de sa bundadi
bosta infinita.
Babbu Nostu 72
Babbu nostu chi istais in celus, santificau
su nòmini tú, bengat a nosu su regnu
tuu, siat fata sa voluntadi tua cumenti in
su celu aici in sa terra. Su pani nostu de
dogna dí donanosidhu oi e perdonanosí
is pecaus nostrus cumenti nosàturus perdonaus
is depidoris nostrus, non si lessis
arrui in sa tentatzioni, libberasí de mali.
Amen Gesu.