Is Pregadorias antigas: su signo de sa devozioni - Provincia del ...

68
5) Is chi funt incadenaus
po sa fidi cristiana
cun gràtzia prus che umana
funti de bosu consolaus,
a su martíriu animaus
che verdaderu cristianu. Rit.
6) De Flavanu presidenti
luegu festis acusau;
S’imperadori infuriau
bos reprendit aspramenti;
abbratzai sa falsa lei
pretendit Diocletzianu. Rit.
7) Ma bosu a Deus costanti
comenti is pipius caldeus:
“Su veru e non su falsu Deus
adoru”, dhi narais ananti,
“e in issu firmu apu a crei
sentza timori umanu”. Rit.
8) A sa protesta infuriau
su bàrbaru imperadori
cun ira, ràbbia e furori
órdinat chi siais freciau,
e de un’àrburi a su pei
bos turmentat inumanu. Rit.
9) De saetas trapassau,
de feridas totu prenu,
cantais allirgu e serenu
sa fidi ch’eis professau;
aici eis superau
su furori de su tiranu. Rit.
10) Su corpus bostu diciosu
de Irena est arregortu,
credendi chi festis mortu,
unu fatu meda amorosu.
Ma pustis de su reposu
Torrais a vida sanu. Rit.
11) Incontrendusí sanau
po òpera prodigiosa,
IS PREGADORIAS ANTIGAS - SU SIGNU DE SA DEVOTZIONI
cun virtudi poderosa
a sa régia seis andau;
s’inferru eis annuntziau
a su própriu Diocletzianu. Rit.
12) Àteru martíriu arriceis
in s’istanti cun furori,
e bolais cun grandu onori
in celu, chi apertu bieis
aundi sa palma teneis
De valorosu cristianu. Rit.
13) Giai ch’in celu tanta glória
bos donat s’alta cleméntzia,
Po dogna pestiléntzia,
Oteneinosí vitória;
Teneinosí in memória
in cussu sóliu soberanu. Rit.
Àngiulu de Deus 66
Àngelu de su Signori, chi seis su […] miu,
po órdini de sa piedosa providéntzia de
su Deus miu, custodiaimí in custa dí, illuminai
s’intelletu miu, regulai is afetus
mius, guvernai is sentimentus mius, poita
chi dèu non ofenda a Deus, Signori miu
e aici siat.
Atítidus de Nostra Signora 67
1) Fillus, chi bobeis formai
de làgrimas dus arrius,
Is crudelis doloris mius
unu pagu cuntemplai!
2) Custu coru trapassau
oi si movat a cumpassioni
candu su profeta Simeoni
mi dh’iat profetizau
de biri unu fillu amau
in d-una gruxi incravai. Rit.