Is Pregadorias antigas: su signo de sa devozioni - Provincia del ...

64
Pregadoria de su mengianu 60
No apo biu luxi ancora
E megu de mi ndi pesai
A Deus e Maria
Dha bollu saludai
Chi benedixat dógnia popolatzioni
Comenti a primu torreus a gosai
A su russianu puru ch’est fora de sa
religioni
Bèngiat anch’est su duci nostru
Perdonu a dhu domandai.
Pregadoria po sa Comunioni 61
Sa mesa de su Sinnori
Pro mei est apariciada,
De àngelus ingiriada
De àngelus po serbiri.
Diciosa cudha dí
Chi s’ànima mia siat salva,
límpia e pura
IS PREGADORIAS ANTIGAS - SU SIGNU DE SA DEVOTZIONI
e at a andai a sa sigura
a sa sigura sentza dannu.
Non ci at istadu prus mannu
De alta nobbilesa
Chi mi cumbidat
A cudha mesa sagrada,
sagrada de su celu.
Babbu miu amorosu e bellu
No mi bastat su coru
Po arriciri su tesoru chi mi donas
E seu sigura ca mi perdonas.
Seu límpia in d-unu totu
Dèu cun d-unu coru devotu
Chi mi potzat animai
Aici apu a nai: mischina de mei
Chi apu oféndiu a Tei.
Cessu ca mi disimàinu.
Cun tegus m’ispàinu
In cudhu pratu puliu
Chi est prenu de dónnia druciura.
No seu digna creatura,
no tèngiu minescimentu,
siat allabau su Santíssimu Sacramentu.