Is Pregadorias antigas: su signo de sa devozioni - Provincia del ...

Comune di Villanovafranca
Santu Giusepi si donit sa paxi.
Sa noti ‘e natali partiant a cassa
passendinci in d-una ruina.
Ita fillu bellu chi tenit Maria.
In d-una ruina, istadha de animalis,
inní no dhu’iat ní canna ní canalis
e Santu Giusepi fut po cumpangia.
Ita fillu bellu chi tenit Maria.
Giustu a mesunoti est nàsciu su Messia,
a mesunoti giustu su Messia est nàsciu
e si crediat ca non fut nienti,
conturbéssiu, Santu Giusepi.
Ita fillu bellu chi tenit Maria.
Po maista serbit Santa Nastasia,
Po maista serbit po dhu imbodhiai.
Andant is pastoris a dhu visitai
e faint unu ballu cun grandu allegria.
Ita fillu bellu chi tenit Maria.
Faint unu ballu e lassant is brobeis
e si cumparint cun is tres Gurreis
tzerriendi “Aurora, bessi in custa ia”.
Ita fillu bellu chi tenit Maria.
Tzerriendi aurora, tzerriendi aurora.
A issa dhi mancant is fainas bonas,
sa festa dhi faint is vacantzas pitias.
Ita fillu bellu chi tenit Maria.
Sa festa dhi faint is vacantzas de Pasca.
Nostra Sinniora candu fut in fasca
iat imparau bèni sa dotrina.
Ita fillu bellu chi tenit Maria.
Dh’iat imparada de babbu e de mamma
in Gerusalemmi su dommigu ‘e pramma,
totu ingiriada de cambus de obia.
Ita fillu bellu chi tenit Maria.
Nostra Sinniora 940
641
Nostra Sinniora mia de dónnia dí,
a su letu mi nci ghetu po mi dromí,
no seu sigura chi mi ndi torri a pesai;
tres cosas tèngiu de s’arrecumandai:
cunfessioni, cumminioni e ollusantu
cun su Babbu, su Fillu e s’Ispíridu Santu.
Nostra Sinniora de sa soledadi 941
Nostra Sinniora de sa soledadi,
cun sa bosta umilidadi
si fatzaus cumpangia.
Nostra Sinniora de sa ghia,
sa ghia praxit a Deus.
Ita fillus maus chi seus
ca dh’eus crocifissau.
De s’ortu ndi dh’ant bogau,
dhi donànt atzapulladas.
Arruit a faci in terra,
dhi sonanta sa trombita
cummeti de sodrau in gherra.
Totu sa noti sa mamma fut in cica,
prangendu e suspirendu is sospirus de coru:
Bistu m’eis a su tesoru?
Bistu m’eis a Fillu miu?
Sinniora mia, unu innòi ci nd’at passau
de Giudeu mabatratau.
Cussu fut su Fillu miu.
Bregungiosu dhu lasseis
a s’ora de dh’aciapai.
Bregungiosu dhu lasseis
cun sa curona acapiada
andendi a morti incravau.
At a èssi incravau e de ispinas coronau,
is discípulus a su costau,
Santu Giuanni cun sa Maddalena
de terra ndi dh’ant presentau.
Maria Santíssima súbbitu sighida
cun su Fillu sú e dh’iat nau:
A totu cudhas mammas
chi ant a pedri fillus,