Is Pregadorias antigas: su signo de sa devozioni - Provincia del ...

Comune di Villanovafranca
Dromi, Sinniori, riposa, fillu amau,
su Verbu incarnau fatu Redentori
po su pecadori sufrit agonia. Rit.
Istella luxenti de claru fulgori
donat risplendori de s’altu Orienti. Rit.
Gravellu ecellenti, caru prus de s’òru,
dromi, vida e coru, riposa anninnia. Rit.
Is lamentus de Maria o gòcius
de s’addolorada 937
Fillus chi boleis formai
de làgrimas duus arrius,
is crudelis doloris mius
unu pagu cuntemplai.
(qui e alla fine di ogni sestina)
Custu coru trapassau
bos movat a cumpassioni;
candu su Profeta Simeoni
mi iat profetizau
de biri su Fillu amau
in d-una gruxi incravai…
Cun Erodi persighendi
a s’Infanti miu, Gesús,
su dolori prus e prus
andat in mei aumentendi;
de su furori iscampendi
a s’Egitu andu a abbitai…
Seu de penas ingiriada:
de tres dís circu e non biu
a s’amau Fillu miu
chi in su Témpiu disputada.
Biendimí abbandonada,
non mi potzu consolai…
Mi seu casi dismajendi,
ca sa pena est tropu forti,
cundennau a infami morti,
unu Fillu cuntemplendi;
sa gruxi a pala portendi,
apenas podit andai…
Mi faltat giai su respiru,
candu in sa penosa gruxi
de custu mundu sa luxi
eclissada dèu dha miru;
M’est allíviu su suspiru,
consolu su lagrimai!...
Una crudeli lantzada
chi su petus at abertu
de unu Fillu, ancora at fertu
a mei, mamma tribbulada:
po is penas seu reservada,
bivu, ma po agonizai!...
Sola aturu in amargura,
de totus abbandonada,
ca de mei s’est apartada
s’alligria cun sa durtzura:
una trista seportura
at pótziu tanti lograi…
In sa soledadi trista
aturu immoi isconsolada,
de angustias acumpangiada
e de afritzionis provista:
aundi fúrriu sa vista
penas solu apu a incontrai!...
Cudhu gosu chi tenia,
cudhu cuntentu in Betlemme,
s’ingrata Gerusalemme
dh’at cunvértiu in agonia:
in custa, tanti alligria
depiat bènniri a portai…
Immoi sunt cessaus
cudhus angélicus cantus,
is donus, ossécujus tantus,
de tres Reis umiliaus:
639