Is Pregadorias antigas: su signo de sa devozioni - Provincia del ...

Comune di Villanovaforru
Ofresimentu
Soberanu Deus Signori nostu Gesús, ofereus a sa magestadi bosta custu santu esercítziu
de sa Via Crucis in unioni de cudhu viàgiu dolorosu chi estis fatu a su Calvàriu po
nosu pecadoris. Si dh’ofereus in remissioni de is pecaus nostrus, po is penas chi po
issus meresceus e po is pòberas ànimas de su Purgatóriu. E donainosí sa gràtzia de
acuistai totus is indulgéntzias chi ant cuntzédiu is summus pontíficis. Amen.
Andendi de s’altari magiori a sa Iˆ statzioni si cantat.
Stabat Mater dolorosa
Iuxta crucem lacrjmosa
Dum pendebat Filius.
I Statzioni
V. Adoramus Christe et benedicimus Tibi.
R. Quia per Sanctam Crucem tuam redemisti mundum.
Cuntempla, ànima cristiana, custa prima istatzioni chi est sa domu de Pilatu, aundi
Gesús est istétiu flagellau po manu de fierus sordaus, e custu est su logu aundi su
Redentori iat arriciu sa senténtzia de morti.
O suavíssimus Gesús chi estis bófiu patiri coment’e un’iscrau, e cun mansuetúdini
estis arriciu sa sententza de morti, bosi suplicaus a si libberai de sa sententza de morti
eterna de nosu tantis bortas meréscia po is pecaus nostus.
Pater – Ave – Gloria.
V. Misere nostri Domine.
R. Misere nostri.
Cujus animam gementem, contristatam et dolentem pertransivit gladius.
II Statzioni
V. Adoramus te Christe, et benedicimus tibi.
R. Quia
Cuntempla ànima cristiana, in custa 2ˆ istatzioni su logu aundi a su bonu Gesús dh’iant
impostu su gravi pesu de sa gruxi, ch’iat atzetau po amori nostu.
O innocenti Gesús chi si ais abbratzau cun amori sa pesantíssima gruxi, fabbricada de
is pecaus nostrus, cuntzedeinosí de connosci sa gravesa de custus pecaus e fadei chi
dhus plangiaus po totu sa vida.
Pater – Ave – Gloria.
Misere nostri Domine.
Misere nostri.
623