Is Pregadorias antigas: su signo de sa devozioni - Provincia del ...

Comune di Villanovaforru
Pregadoria 898
Su letu miu est de cuatru cantus
dhoi crocant cuatru Santus
in primu su nòmini de Deus
e intzaras Santu Mateu
e intzaras Santu Beneditu
s’Ispíritu Santu siat aintru
s’aremigu siat in foras
Nostra Signora de parolas bonas.
Pregadoria 899
Santràbara e Santu Giacu
Bosu portais is crais de lampu
Bosu portais is crais de Celu
non tocheis a fillu allenu
ne in domu ne in su sartu
Santràbara e Santu Giacu.
Pregadoria 900
A su letu mi nci ghetu
a Sarbadori abetu
abetu a Sarbadori
e a s’Àngelu Magiori
a s’Agelu biancu
e a s’Ispíritu Santu
in nòmini de su Babbu
de su Fillu e de s’Ispíritu Santu.
Pregadoria 901
De acuasanta mi cunfrimu
a Deus saludu a primu
e a Nostra Signora
ca no apu ascurtau Missa ancora
a Deus e a Nostra Signora
a primu apu a saludai.
Glória a su Babbu, a su Fillu e a s’Ispíritu
Santu.
Pregadoria 902
Santu Sisinni, Santu Sisinni
sa manu bosta a timi
sa manu bosta a desta
Santu Sisinni notesta
mi campai de mala morti
de mala morti subbitana
de àcua de funtana
de àcua de arriu
Santu Sisinni miu.
Pregadoria 903
Àngelu miu castiadori
ti súplicu cun amori
cun amori de sentinella
a non benni a mi tentai
s’aremigu in cautela
ne a dedí ne a denoti
ne in s’ora de sa morti
ne in s’ora de su bisu
Àngelu miu Luisu
Àngelu miu biancu
a tui m’invocu e a s’Ispíritu Santu.
Pregadoria 904
Funti tochendi a mesudí
dogna gràtzia donaisí
dogna gràtzia e
dogna alimentu
sempri siat allaudau
su Santíssimu Sacramentu.
Pregadoria 905
621
Dèu mi fatzu sa gruxi in fronti
po candu Gesugristu fiat in su monti,
dèu mi fatzu sa gruxi in buca
po candu Gesugristu fiat in sa gruta,
dèu mi fatzu sa gruxi in petus
po candu Gesugristu fiat in su desertu,
dèu mi fatzu sa gruxi in su costau
po candu Gesugristu fiat crucifissau.