Is Pregadorias antigas: su signo de sa devozioni - Provincia del ...

Comune di Collinas
10) In su trabballu onestu,
férvidu in s’oratzioni.
as Tui sa salvatzioni,
de s’ànima bèni otentu,
a su celu cun cuntentu
Ti ndi bandas Tui, gloriosu.
Po nosu…
11) Sa Spagna cun grand’onori
Ti dimostrat devotzioni;
Ti pregat cun afetzioni;
Ti bollit po protetori,
cunservat cun tanti ardori
Su corpus tuu gloriosu.
Po nosu…
12) Giai chi immoi ses gosendi
ananti ’e s’Eternu Deus
prega po nosu chi seus
in custa valle prangendi,
de dogna mali difendi
custu mundu orrorosu.
Po nosu…
Inginughendisí 51
Ingenugadí cun atentu
Siat beneitu e allabau
Su Santíssimu Sacramentu.
Innantis de si dormiri 52
Su letu miu est de cuatru cantus
Dhoi crocant cuatru Santus
Dus in peis e dus in conca
Nostra Signora a su costadu est pronta
A primu a primu Sant’Emitu
S’Ispíritu Santu siat aintru.
Intrendi a crésia 53
Brinto a crésia e tocu porta
E s’ànima mia siat arregorta
E s’ànima mia e dogni ànima allena
Ave Maria gràtzia plena.
Intrendi a crésia
e pighendi s’acuasanta 54
Acuasanta mi cunfrimmo
E saludo a Deus in primo
E a Nostra Signora
No apo ascurtau Missa ancora
Seu benidu a ndi ascurtai
No seo siguru chi ci apu a torrai.
Is doxi paràulas (formula finale) 55
Trexi no est lexi e no est lei
Baedindi a milla passus fora de mei
Anchi ti bia isprofundau
In d-unu mari isciondorau
In d-unu mari chen’e fundu
Fintzas chi as a contai
Tramas cantu nd’at de letu
Folla a cantu fúrriat bentu
Piu cantu portat marxani
Insà eus a torrai a faedhai impari.
Maneras de saludai 56
61
Il mattino
Ave Maria – risposta: Gratia plena
La sera
Gesugristu – risposta: Po sempri su nòmini
suu.