Is Pregadorias antigas: su signo de sa devozioni - Provincia del ...

Comune di Villanovaforru
Gògius de Santu Perdu Apóstolu 892
Fundamentu assegurau
De sa fidi difensori:
Siais nostru intercessori
Perdu Apóstolu sagrau.
1 a In Betsàida nascestis,
Tzitadi de Galilea,
De genti oscura e plebbea,
E de su mari bivestis;
De inní de Gesús festis
A un’altu gradu elevau.
Siais nostru intercessori ecc.
2 a Su nòmini de Simoni
S’est in Cefas commutau;
De su mari tzerriau
Sigheis sa vocatzioni,
E sentza dilatzioni
Totu eis prestu lassau.
Siais nostru intercessori ecc.
3 a Po divina illustratzioni
Su Messia connotu estis:
Cunfessastis e credestis
Sa ipostàtica unioni.
Subra custa cunfessioni
Deus sa fidi at plantau.
Siais nostru intercessori
Perdu Apóstulu sagrau.
4 a In manus bostas is crais
De su Celu at intregau:
Est in Celu perdonau
Su ch’in terra perdonais;
E su ch’in terra ligais
In Celu ancora est ligau.
Siais nostru intercessori ecc.
5 a Po difendi su Signori
S’ispada in s’ortu tirais.
Pagu pustis dhu negais
Po efetu de timori;
617
Cun làgrimas de dolori
Plangeis custu pecau.
Siais nostru intercessori ecc.
6 a In presonis meda oscuras
Bos at Erodes ligau;
S’at un’Àngelu salvau
Abbascendu de is alturas,
Seghendu is cadenas duras,
S’at de prontu libberau.
Siais nostru intercessori
Perdu Apóstulu sagrau.
7 a De úmili piscadori
Deus bos at innaltzau
De s’Evangéliu sagrau
A primàriu bandidori.
Cessat s’ingannu, s’errori
In su mundu inveterau.
Siais nostru intercessori ecc.
8 a Predichendu is Natzionis,
Plenu de zelu divinu,
Chi Deus est unu e trinu
In tres distintas personis,
De infidelis millionis
A Gesús eis procurau.
Siais nostru intercessori ecc.
9 a Eis cunvértiu Samaria
Pustis de sa Galilea,
Casi totu sa Giudea
E parti de s’Antiochia;
Abbàtiu s’idolatria
Eis sa fidi dilatau.
Siais nostru intercessori
Perdu Apóstulu sagrau.
10 a Is gentilis e is paganus,
Non podendi prus sufriri
Is concuistas prosighiri
De millionis de cristianus,
Bos intregant in is manus
De s’inícuu magistrau.
Siais nostru intercessori ecc.