Is Pregadorias antigas: su signo de sa devozioni - Provincia del ...

616
15 a Partis tui finalmenti
De sa vida temporali
Po gosai vida immortali
In su Celu eternamenti
De inní prega frecuenti
Po su giustu e pecadori.
Sant’Isidoru ecc.
Gògius de Santa Luxia Vírgini 891
Ses sa luxi meda ermosa
Ch’illúminas is mortalis;
Dona rimédiu a is malis,
Luxia Santa Gloriosa.
Siracusa de Sicília
Est sa pàtria tua diciosa,
Aundi nascis, bella rosa,
De illustríssima família,
Cristiana giusta e sintzilla
Caritativa e piedosa.
Dona rimédiu a is malis ecc.
De sa prus pitica edadi
A Gesús cun puru amori
Dhi sacríficas su flori
Lillu de virginidadi
Cun afetu e caridadi,
Allirga e meda gustosa.
Dona rimédiu a is malis ecc.
De bellesa singulari
Ti at dotau su Signori,
Po un’ecessu de amori
E donu particulari
De gràtzias casi unu mari,
Ti at fatu prodigiosa.
Dona rimédiu a is malis
Luxia Santa Gloriosa.
Po èssi vera imitadora
De s’Isposu tú sagrau
A is pòberus as donau
Bènis e prendas ancora:
IS PREGADORIAS ANTIGAS - SU SIGNU DE SA DEVOTZIONI
Sentza èssi tui Signora
De sa prus mínima cosa.
Dona rimédiu a is malis ecc.
Cust’ispóliu volontàriu
Ti at móvidu gherra forti,
E procurau sa morti
A istàntzia de s’aversàriu,
Chi si crediat temeràriu,
Tènniri a tui po isposa.
Dona rimédiu a is malis ecc.
De Pascàsiu Presidenti
Ses istétia cundennada
A èssi luegu portada
A domu de infami genti;
Ma Deus ti fait potenti
Immóbbili e Poderosa.
Dona rimédiu a is malis,
Luxia Santa gloriosa.
De fogu ardenti ingiriada
Ti bis tui portentosa:
Cantas allirga e gososa
E de issu non ses tocada.
Ti trapassant un’ispada
In su tzugu meda furiosa.
Dona rimédiu a is malis ecc.
Aici totu trapassada
Arricis s’Eucaristia
E predisis s’allegria [itl. predire]
De sa paxi suspirada,
Debustis ses ispirada
Cuntenta e meda diciosa.
Dona rimédiu a is malis ecc.
Ses colunna meda forti
De sa fidi e de puresa
Chi no at pótziu sa fieresa,
De is turmentus, ne sa morti
Faidí cambiai de sorti,
O Santa vitoriosa.
Dona rimédiu a is malis ecc.