Is Pregadorias antigas: su signo de sa devozioni - Provincia del ...

614
11 a Si contant a millionis
Is prodígius operaus:
Vitória intera portaus
De totu is tentatzionis;
Maladias aflitzionis
E sa morti est debbellada.
Salve, o Divina Maria.
12 a Totus is chi professaus
Cust’Iscapolàriu santu
De Maria (o grandu ispantu)
Fradis seus aclamaus
E de issa carignaus
Cun cura privilegiada.
Salve, o Divina Maria
In su Carmelu invocada.
13 a Po fradis in santu amori
Ricinosí o po fillus;
Faisí candidus che lillus
E inflammaus de fervori
Po ch’in s’eternu isplendori
Ti mireus collocada.
Salve, o Divina Maria
In su Carmelu invocada.
Gògius de Santa Bàrbara V. e M. 889
1 a De martírius coronada
In su Celu luminosa
Santa Bàrbara gloriosa
Siais nostr’Abbogada.
2 a In tempus de idolatria,
Regnendi Massiminu,
Nascis de babbu paganu,
Bàrbara, in Nicomedia.
De santidadi po ghia
De su Celu ses mandada.
Santa Bàrbara ecc.
3 a In manera prodigiosa
Su batismu as arriciu;
Su coru tuu si est uniu
IS PREGADORIAS ANTIGAS - SU SIGNU DE SA DEVOTZIONI
A Gesús, candida Isposa;
Ses bella e mística rosa,
De totu is donus ornada.
Santa Bàrbara gloriosa,
Siais nostr’Abbogada.
4 a In turri ti at inserrau
Babbu tuu po vanidadi;
Sa Divina Trinidadi
Inní tui as professau,
E de su Verbu incarnau
S’alta dotrina sagrada.
Santa Bàrbara ecc.
5 a Valenti in Teologia
Ti aclamat su Damascenu.
Est s’Ispíritu serenu
Sublimi in sa profetzia.
Ses cali segura ghia
De sa genti consultada.
Santa Bàrbara ecc.
Gògius de Sant’Isidoru Messaju 890
1 a Su prus bellu e gratu flori
Ses de su místicu Maju,
Sant’Isidoru Messaju,
Sias nostru protetori.
2 a A Madriddi illustri Corti
De is católicus Monarcas,
E sede de is Gerarcas
De s’Ispagna rica e forti
Tocada est sa bella sorti
De produsi custu flori.
Sant’Isidoru ecc.
3 a De sa prus pitica edadi
Inclinas a s’oratzioni:
De Maria sa divotzioni
Pràticas cun piedadi;
Cun ardenti caridadi
Serbis sempri su Signori.
Sant’Isidoru ecc.