Is Pregadorias antigas: su signo de sa devozioni - Provincia del ...

Comune di Villanovaforru
Gògius a Nostra Signora de su Cramu 888
Primu de nasci ammirada
Ses de su Profeta Elia;
Salve, o Divina Maria,
In su Carmelu invocada.
1 a Ses nominada isplendori
De s’altu monti Carmelu;
Elias plenu de zelu
Ti tribbutat grandu onori
Ca Mamma a su Redentori
Ti conoscit destinada.
Salve, o Divina Maria ecc.
2 a Ti mirat issu in figura
De una nui risplendenti;
Ti mostrat s’Onnipotenti
Sa primogénita pura.
Ses de dogna creatura
Mamma e Vírgini aclamada.
Salve , o Divina Maria ecc.
3 a In s’Altu Monti sagrau,
Monti místicu e gratziosu,
In Cunventu religiosu
Onori ti at tribbutau
E is Profetas esortau
A ti tenni po abbogada.
Salve, o Divina Maria,
In su Carmelu invocada.
4 a Pustis cumparta in su mundu,
In terra ancora biventi,
Si congregat meda genti
In cussu monti giocundu
E cun rispetu profundu
Ses de totus venerada.
Salve, o Divina Maria.
5 a Est su logu d’eletzioni
A printzípiu in s’Orienti;
Ma férvida in s’Ocidenti
Passat sa divotzioni,
Candu in santa visioni
S’est sa Vírgini mostrada.
Salve, o Divina Maria.
6 a Cumparis, bella Maria,
A su Beatu Simoni:
Fundas sa religioni
E s’ínclita cumpangia,
Chi donat fortza e allegria
A s’ànima tribbolada.
Salve, o Divina Maria
In su Carmelu invocada.
7 a Naras: Chini at a portai
Custu sagrau signali
De su nemigu infernali
Po tzertu at a triunfai
E seguru at a arribbai
A sa pàtria aventurada.
Salve, o Divina Maria.
8 a At a èssi arma poderosa
Contr’a s’antigu aversàriu
Custu Santu Iscapulàriu
Chi si donat amorosa
Mamma nostra piedosa
De s’altu Celu abbasciada.
Salve, o Divina Maria.
9 a Si teneus sa bella sorti
De portai cust’insigna
In manera santa e digna
Fin’a s’ora de sa morti
Tzertu est ch’in s’eterna Corti
Pronta eus a tenni s’intrada.
Salve, o Divina Maria
In su Carmelu invocada.
10 a Si, custa Mamma clementi
Sigura promissa at fatu
De si otenni su riscatu
De su purgatóriu ardenti
In su sàbudu sighenti
A sa morti fortunada.
Salve, o Divina Maria.
613