Is Pregadorias antigas: su signo de sa devozioni - Provincia del ...

610
Cògius de Santa Rita de Càscia 885
Ses de totus aclamada
De impossíbbilis protetora;
Sias nostra intercessora,
Rita bonaventurada!
1 a Su nòmini e nascimentu
Est de un’Àngelu annuntziau.
A mamma tua isvelau
Cun singulari portentu,
Prima de nàsciri as tentu
Custa gràtzia signalada.
Sias nostra intercessora ecc.
2 a Singulari in s’ermosura,
De virtudis adornada,
Ses de totus istimada
Angélica creatura.
Su digiunu ti est dultzura,
Ses preghendu infervorada.
Sias nostra intercessora ecc.
3 a Finas de minori edadi
Sa puresa as dimostrau,
Candu a Deus as cunsagrau
Sa bella virginidadi;
Però contr’a voluntadi,
Pustis benis isposada.
Sias nostra intercessora ecc.
4 a Cussu maridu inumanu
De is parentis destinau
Unu bàrbaru tirannu
Cun tui s’est dimostrau.
Poi, de Deus illuminau,
Lassat sa vida ostinada.
Sias nostra intercessora ecc.
5 a Ma candu paxi e cunfortu
In famíglia fiais gosendu
Cust’isposu ti anti mortu,
Cun delitu meda orrendu;
Tui, de coru perdonendu,
Bivis totu rassignada.
Sias nostra intercessora ecc.
IS PREGADORIAS ANTIGAS - SU SIGNU DE SA DEVOTZIONI
6 a S’ingressu in d-unu conventu
Domandas meda ansiosa;
E in manera prodigiosa
S’intrada santa as otentu;
Inní bivis cun cuntentu,
Totu a Deus cunsagrada.
Sias nostra intercessora,
Rita bonaventurada.
7 a Po sa grandu peniténtzia
E virtudis peregrinas,
Po is frecuentis disciplinas
Deus t’infundit sa sapiéntzia,
Paris in dogna isciéntzia
Dotoressa laureada.
Sias nostra intercessora ecc.
8 a Ca de Deus ses vera isposa
De sa corona divina
Cristus mandat un’ispina
In sa fronti tua diciosa:
Penetranti e dolorosa
Cuíndixi annus dh’as portada.
Sias nostra intercessora ecc.
9 a Su Signori a profusioni
Is gràtzias prus ti aumentat:
Cuàtur’annus ti sustentat
Cun sa sola Comunioni.
Cun Gesùs in santa unioni
Poi in Celu ses bolada.
Sias nostra intercessora,
Rita benaventurada.
10 a T’invocat dogna divotu
In angustias e doloris
Po difícilis favoris
O impossíbbilis in totu.
Su mundu ti at riconnotu
Taumaturga signalada.
Sias nostra intercessora,
Rita benaventurada.
Giaghí apenas invocada
Cuntzedis dogna favori,
Miranosí cun amori,
Rita bonaventurada.