Is Pregadorias antigas: su signo de sa devozioni - Provincia del ...

Comune di Villanovaforru
Cògius de Santa Marina Vírgini
e Màrtiri 884
Angélica Serafina
Isposa de s’Onnipotenti
Difendei custa genti,
Vírgini Santa Marina
1) In s’Ispagna illustrada
a sa prima luxi essestis;
àspera vida fatzestis
totu a Deus dedicada;
sendu sèmpiri inflammada
de caridadi divina.
Difendei ...
2) Is devotas oratzionis
e digiunus cotidianus,
pro cunfúndiri is paganus,
fiant perfetas rexonis,
dispretzendu is opinionis
de cussa genti meschina.
Difendei ...
3) Luegu festis acusada
a Olíbbriu presidenti
e de sa bàrbara genti
istetestis impresonada,
po pèrdiri, fortunada,
custa vida miserina.
Difendei ...
4) In d-unu forru meda oscuru
festis cun fúria ghetada
is manus e is peis ligada,
po si tènniri in seguru:
turmentu aici duru
si donat genti ferina.
Difendei...
5) Cumandat su Presidenti
de èssiri cun ràbbia aciotada
e debustis degogliada
a tres legas de s’Orienti,
gridendi continuamenti
sa seta luciferina.
Difendei ...
6) Aundi sa conca arruesit
po òpera e gràtzia divina
fonti de àcua cristallina
a su momentu nascesit,
po chi a is malis serbesit
de pronta e vera mexina.
Difendei...
7) Si narant Aguas Santas
po is prodígius operaus
po ai medas curau
de infirmidadis tantas;
vigorosas, friscas plantas
mantenit cussa piscina.
Difendei...
8) De prontu benit fundau
unu templu sontuosu
aundi istat sepultau
su corpus bostu gloriosu,
chi ispirat meda odorosu
grata fragràntzia divina.
Difendei...
9) Giai chi in su celu po tantu
gosais sa vista de Deus
pregai po nosu chi seus
in d-unu mari de plantu;
ghetainosí su mantu
de protetzioni divina.
Difendei...
10) Su pópulu cristianu
chi sa glória bosta esaltat
de s’onorai non lassat
in custa dí dogn’annu
e cun cultu soberanu
bos aclamat eroina.
Difendei...
609