Is Pregadorias antigas: su signo de sa devozioni - Provincia del ...

606
A sa de tres bortas, no iat pótziu negai.
Cun devotzioni sa Gruxi adorai.
Sa gruxi de su paracleu 874
Sa gruxi de su Paracleu,
fut andau cudhu giudeu,
cudhu giudeu galiotu,
andau fut innanti de totu,
innanti de totu fut andau.
Gesugristu ingenugau
fadendu oratzioni
oratzioni fadiat.
Santu Pedru prangiat.
Perdu, no fatzast arroris
ca gei seu tentu
de funis e de cadenas,
de fortza e de agonia;
sciadada mamma mia.
Abetai, abetai
finas anc’apu a pigai
morti e passioni,
morti e passioni pigheis
e un’àngiulu abasceis,
un’àngiulu de axiu,
cumpostu est fillu miu,
cumpostu e preveniu;
a innòi mi dh’eis bitiu
totu mudau de glória,
sa prama ‘e sa vitória,
santu miu àngiulu,
Sant’Arcàngelu,
Santuanni Batista.
Salve Regina 875
Deus ti salvet, Reina,
chi ses mamma piedosa,
pura e fragranti rosa
de su Paradisu.
Tui ses allirghia e risu
de dogna isconsolau,
de dogna tribbuliau
IS PREGADORIAS ANTIGAS - SU SIGNU DE SA DEVOTZIONI
ses su respiru.
A tui plàngiu e suspiru
in custa valli oscura
Maria totu dultzura
e totu amori.
Mamma de su Signori,
cun mirada piedosa,
materna e amurosa,
castiainosí.
Santa Bàrbara e Santu Giacu 876
Sant’Àrbara e Santu Giacu,
bosu portais is crais de lampu,
bosu portais is crais de celu,
no tocheis a fillu allenu
ni in domu e ni in sartu.
Sant’Àrbara e Santu Giacu.
Santu Giusepi 877
Santu Giusepi,
Babbu protetivu
de Gesugristu,
isposu de Maria Vírgini,
assistei a nosu moribbundus
sa santa noti de notesta.
Santu Sisinni Sinnai 878
Santu Sisinni Sinnai,
sola andu a mi crocai,
sola sola a mi dromí,
a nemus depu timí.
Mi racumandu a Deus,
a Deus s’ànima racumandu
candu istu e candu andu,
candu andu e candu istu
mi racumandu a Cristu,
a Cristu e a Deus,
a Giuanni e a Mateu,
a Mateu e a Giuanni