Is Pregadorias antigas: su signo de sa devozioni - Provincia del ...

Comune di Villamar
ca dh’eus crucifissau
e de ispinas coronau,
coronau dh’ant is giudeus.
A unu veru eredu de Deus
sententziau dh’ant a morti!
Cun musas e cadenas fortis
de s’ortu ndi dh’ant bogau.
Giuda dh’at imprassau.
Is giudeus dh’incadenànt
e cun lantzas e ispadas,
dhi donànt atzapuadas
chi arruiat a faci in terra
cumenti de cussus sodraus in gherra
e dhu portànt a sonu de trumbita.
Sa mamma sua fut in cica;
totu sa noti prangendu,
sospira e sospirendu,
sospirus de su coru
“Biu m’eis a su tesoru
ca mi miru e no dhu biu,
biu m’eis a fillu miu?”
“Novas de su Signori s’apu bitiu
ca apu biu a fizu bostru
portendidhu a dhu crocifissai.
Signora chi no acoitais
incravau dh’agatais!”
Ita sceda maba chi m’eis bitiu,
ca mi nd’eis pigau totu is sentidus mius.
Totu cudhas mammas chi anti pérdiu fillu,
agiudaimidha a prangi
ca de mabi no nd’eis a istai”
Nerit, nerit, signora mia,
biu m’at a fillu miu?”
“Unu nd’apu bistu passau,
de sudori fiat inzupau,
de sànguini trupellau,
unu pannu m’at domandau
e dèu si dh’apu donau;
su pannu miu at tocau
e poi mi dh’at torrau
luxenti che su sobi”.
“Cussu est fillu miu Sarbadori,
cussu est fillu Gesugristu,
e a morri mi dhu portenti,
ispollau dhu lassenti
e bregungiosu dhu passenti
cun sa colunna acapiada.”
Sa mamma sua fiat passada
aici afrigida e dolorosa
cun sa cara luminosa.
De nosu teneindi piedadi,
Reina de sa Solidadi.
Sa gruxi 872
In nòmini de Babbu
e de su Fillu
e de s’Ispíritu Santu.
Aici siat.
Sa gruxi adorai 873
605
Cun devotzioni sa Gruxi adorai,
cun devotzioni e sentz’e fai farta,
Sa Gruxi est prantada in sa Càmara Santa,
A totu su mundu at donau ispera e luxi,
In sa Càmara santa est prantada.
Imbiau e diciosu chini dhi at a èssi acanta,
Sa Ruxi est prantada in sa Càmara Santa,
E frisca est sa mata e non si sicat mai,
cun devotzioni sa Gruxi adorai!
E frisca est sa mata de grandu valori,
Anc’ant incravau su Signori,
E candu su frutu Adamu at tocau,
A su Signori anc’ant incravau!
E tui, cristianu, dho’ias a pentzai,
cun devotzioni sa Gruxi adorai!
Cun is tres obbibis dh’iant incravau,
A domu de Pilatu dh’iant portau,
de sànguni giustu sa terra iant manciau,
A domu de Pilatu portau tres bortas,
E Pilatu non bolit frimai.
Cun devotzioni sa Gruxi adorai!
Pilatu citiat castiendu is oras
E tzitau dh’iat su rei Erodas,
Po chi sa senténtzia essit frimau,