Is Pregadorias antigas: su signo de sa devozioni - Provincia del ...

604
Pregadoria a Sant’Austinu 866
Sant’Austinu, Sant’Austinu,
s’afidu a custu fillu miu
arrabiosu che su febi,
fadedhu druci che su mebi.
Donedhi paxi e serenidadi
e libberedhu de dogna mabi,
de mei e de cussu tenei piedadi
immoi e sempri po s’eternidadi.
Sant’Austinu, Sant’Austinu,
ca si cicu e no si biu,
Sant’Austinu tenei piedadi
immoi e sempri in s’eternidadi.
Pregadoria andendi a letu 867
In su letu miu mi nc’intru
e de terra mi crobexu,
s’ànima a Deus ofrexu
e a sa Vírgini Maria,
a Deus ofrexu s’ànima mia.
Pregadoria innantis de si crocai 868
Dèu mi crocu in custu letu
de un’Àngelu protetu,
cun d-un’Àngelu cantendi,
Gesugristu est predichendi
cun sa luna e cun su soli,
su Beatu Salvadori,
su Beatu Serafinu,
babbu de bonu camminu,
de bonu camminu deretu,
de Tui sempri sia protetu.
Pregadoria po pigai sonnu 869
Santu Lorentzu bonu
si donit bonu sonnu,
sonnu bonu po dromí,
IS PREGADORIAS ANTIGAS - SU SIGNU DE SA DEVOTZIONI
un’àngiullu po s’assistí,
s’àngiullu magiori
chi at serbiu
sa Mamma de su Sarbadori,
sa Mamma de Gesugristu
in capitzali ‘e letu,
sa noti de notesta
pongu sa mau destra.
Po sempri siat alabau
Gesús Sacramentau.
Pregadoria po s’ogu liau 870
Giusepi e Maria,
Sa manu insoru
Lompit ainnantis de sa mia.
Antoni miu caru,
dèu seu torrau,
ca malàdius Deus bolit a dhu pregai:
méscias [?] su mundu a lassai
de sa fortza de sa missa,
de su gióbia santa
no si nd’agatat atra
ch’est nomenada in dogna logu,
tenit fortza e poderi
ogni genti tua,
o genti allena,
ti apu pigau
fortza e poderi,
ogu obia torrai.
Sant’Anna at fatu a Maria
E Maria a Gesús at fatu.
Su Babbu, su Fillu e s’Ispíritu Santu.
Reina de sa solidadi 871
Reina de sa solidadi,
cun sa bosta umilidadi
mi fatzais cumpangia.
Nostra Signora de sa ghia,
leamí po serbí a Deus.
Ita fillus maus chi seus