Is Pregadorias antigas: su signo de sa devozioni - Provincia del ...

Comune di Villamar
Ninna nanna 844
Ninna nanna cant’e s’òru,
su bistiri fut de òru,
su mantellu de brocau,
Gesugristu fut crocau
nudu nudu e iscrobetu
ca sa gruxi fut po letu,
sa corona po cabidali,
su 25 de Natali
fut nàsciu Sarbadori,
ndi dhu’iat de lugori
in su partu de Maria.
Dromi fillu e coru
e riposa anninnia.
Oratzionis 845
Àngiulu miu, aberri sa cortina
ca bollu biri su fillu de Maria,
su chi est criau in s’altari magiori,
candu imbucu a crésia
imbucu cun amori
e m’ingenugu cun arreveréntzia.
Siat allodau su Santíssimu Sacramentu.
Pighendu s’acuasanta 846
Acuasanta mi cunsignu,
saludu a Deus in primu
e a Nostra Signora.
No apu bistu missa ancora,
missa santa cun assentu.
Siat alabau su Santíssimu Sacramentu.
Pregadoria 847
Gesús, Giusepi e Maria,
a Bosu donu su coru e s’ànima mia,
Gesús, Giusepi e Maria,
assisteimí s’úrtima agonia,
Gesús, Giusepi e Maria,
ispirit in paxi cun Bosu
su coru e s’ànima mia.
Pregadoria 848
Isperu in celu
e vésperu in terra,
dogn’ànima ndi essat de pena,
dogn’ànima batiada
siat isciorta e pedronada.
A su mau e a su bonu
Deus miu donai pedronu,
e su bonu e su mau
siat isciortu e pedronau.
Pregadoria 849
A su letu mi nci ghetu,
a Sarbadori abetu
e abetu a Sarbadori
e a s’Àngiulu magiori
e s’Àngiulu biancu
e a s’Ispíritu Santu
chi mi siant de cumpangia
finas a s’ora de sa morti mia.
Pregadoria 850
Dèu mi serru s’enna mia
cun is crais de Santa Maria,
cun is crais de Santu Giuanni,
s’aremigu no m’ingannit
ne a dedí ne a denoti
e nimancu in s’ora de sa morti.
Pregadoria 851
Gesugristedhu pitiu pitiu
pesau mi seu in su bonu camminu,
601