Is Pregadorias antigas: su signo de sa devozioni - Provincia del ...

598
e poneinci su coru miu.
Ah, cantu trabballu si seu costau
ca eis derramau totu su sàngui bostru,
Signori.
Signori miu, Gesugristu crocifissau,
aperrei is santíssimus bratzus e imprassaimí
cumenti eis imprassau sa santa gruxi
e su bonu ladroni,
ca dh’eis imprassau e pedronau, o Signori!
Is doloris de Maria 840
Fillus, chi bolleis formai de làgrimas
un’arriu,
Is cruellis doboris mius unu pagu cuntemplai!
E pensai e considerai
chi si movu a cumpassioni,
candu su profeta Simoni,
mi dh’iat profetizau,
E de si biri unu fillu amau
in sa gruxi po dh’incravai.
Is cruellis doboris mius
unu pagu cuntemplai!
Su rei Erodi dhu persighiat
a s’infanti miu Gesús,
su dobori fiat prus e prus
E in mei prus crescendu,
e de su feroci andiaus iscampendu
In Egitu a si sarvai.
Is cruellis doboris mius,
unu pagu cuntemplai!!
De apena istesiada,
po tres dis giru e non biu
S’istimau fillu miu,
ca in su Templu disputada,
E biendumí abbandonada
non mi podia contzolai!
Is cruellis doboris mius
Unu pagu cuntemplai!
Mi mancada su respiru
Birendidhu in sa cruxi,
De custu mundu sa luxi
IS PREGADORIAS ANTIGAS - SU SIGNU DE SA DEVOTZIONI
A chi dha làstimat dh’ammiru,
M’est aviliu su respiru
E no potzu prus pregai!
Is cruellis doboris mius
unu pagu cuntemplai!
Fiat crueli custa lantza,
chi su coru dhi at abertu,
e de ispinas unu sertu
e sa mamma tribbuliada,
de su fillu sú privada,
no dhu potzu contzolai!
Is cruellis doboris mius,
unu pagu cuntemplai!
Is paràbulas de Santu Martinu 841
Chi ses Martinu, de paràbulas bonas
mi nd’as a nai una.
Unu est su sobi
chi luxit prus de sa luna.
Candu Gesugristu
andàt a pei in terra,
in s’ortu de Gerusalemme,
Deus Babbu, Deus Fillu e Ispíritu Santu.
Chi ses Martinu, de paràbulas bonas
mi nd’as a nai duas.
Duas funt is tabas de Mosè.
Unu est su sobi
chi luxit prus de sa luna.
Candu Gesugristu
andàt a pei in terra,
in s’ortu de Gerusalemme,
Deus Babbu, Deus Fillu e Ispíritu Santu.
Chi ses Martinu, de paràbulas bona
mi nd’as a nai tres.
Tres funt is tre Marias.
Duas funt is tabas de Mosè.
Unu est su sobi
chi luxit prus de sa luna.
Candu Gesugristu
andàt a pei in terra,