Is Pregadorias antigas: su signo de sa devozioni - Provincia del ...

Comune di Villamar
Biendu chi s’idolatria
totu s’ísola infetada,
Lassas cussa gruta amada
E partis cun allegria:
Ses a totus luxi e ghia
Po distrúiri su pecau.
Delàsiu su presidenti
Scit chi sa lei pagana
Disprétzias, e sa cristiana
As cunvértiu meda genti:
Donat s’órdini imponenti
Po chi bengas arrestau.
S’astutu circat maneras
De ti podi dissuadiri
E prontas ti fait biri
Penas duras e severas:
Cun rexonis is prus veras
Dh’as cumbintu e annientau.
“Mi declaru cristianu”,
intrépidu dhi respundis
e avilessis e cunfundis
su presidenti romanu
chi, crueli e disumanu,
ti at a morti cundennau.
Delàsiu tenit timori
de unu motu popolari
Poita ses de singulari
Parentela e de valori:
E a Fordongianus s’onori
De unu màrtiri at donau.
De Castedhu a Fordongianus
Ses portau segretamenti,
Ti flagellant aspramenti
In d-unu modu inumanu:
Non ti lassant ossu sanu,
Ses po mortu abbandonau.
Su divinu Redentori
Risanat is feridas;
cussas gràtzias arricidas
Prédicas cun plus ardori:
cali apóstolu de amori
ses de totus ascurtau.
Ti aparícias a sa morti
Penitenti in su desertu,
Inní Deus ti rendit tzertu
cussa bella e cara sorti:
cun sa fidi plus che forti
a Castedhu ses torrau.
Delàsiu, cun amargura,
Scit chi ses ancora biu
E, fortementi inaspriu,
Ndi rinnovat sa catura
E órdinat cun premura
Bengas foras degogliau.
Sendu andendu a su destinu
Sighiu t’anti dus pipius
In sa própriu sorti unius:
Sizzelicu e Camarinu,
Lillus de gratu giardinu
Chi su celu at concuistau.
Selàrgius nd’at arriciu
Su sànguini generosu,
E de is Àngelus su gosu
S’ispíritu at cunsighiu:
Su corpus tanti afligiu
Cun onori est sepultau.
Teni de is Sardus memória,
Difendi sa Pàtria amada,
Po chi sa fidi abbratzada
Mantengaus cun vitória,
Protegi su sconsolau.
595