Is Pregadorias antigas: su signo de sa devozioni - Provincia del ...

594
gosendu in s’eternidadi
cun méritus infinitus
pregai po nosu aflitus
in sa celesti citadi
e po sa bosta santidadi
tengaus s’eternu gosu.
Gòcius de Sant’Isidoru 835
Sempri eis intregau
a Cristu totu su coru,
amàbbili sant’Isidoru,
de Cristus babbu istimau.
S’altu impleu e s’ofítziu
de messaju esercitestis
e de continu iscurtestis
de sa Missa su sacrifítziu
tenendu in totu propítziu
su Redentori umanau.
Miràbbili in sa piedadi
únicu elemosineri
sa paga chi donat su meri
donais po caridadi
de Madríd sa tzitadi
bos tenit glorificau.
Cudhu pretziosu alimentu
chi de su meri teneis
cussu puru divideis
a is pòburus po sustentu
su celu aturat cuntentu
e bosi benit pagau.
Gòcius de Santu Lussori 836
Cavalieri rispetau
de Sardigna risplendori,
sias nostru intercessori,
Lussori santu avocau.
IS PREGADORIAS ANTIGAS - SU SIGNU DE SA DEVOTZIONI
Illustri e forti campioni
Ses de Castedhu ornamentu,
De nóbbili nascimentu
Ma de falsa religioni,
Negasta s’adoratzioni
A su Deus umanau.
Su nòmini tuu, Lussori,
Indicat ardenti luxi,
Po chi risplendit sa cruxi
De Gesús nostru Signori;
po dissipai s’errori
De is gentilis abbratzau.
De is annus su mellus frori
A is militaris impresas
Dedicas, e cun prodesas
Dimostras grandu valori:
Diocletzianu imperadori
Meda istima t’at mostrau.
Unu Salmu in s’iscritura
Aendi lígiu po acidenti,
As provau internamenti
Una celesti dulciura:
Po custa sola letura
ses cunvértiu e batiau.
Spintu de amori veementi
Abbandonas cun prestesa
Onoris, domu e richesa
Po bíviri penitenti
sentza consórtziu de genti
In d-una gruta inserrau.
Acanta de Monteleoni
Est cussa gruta orrorosa:
Inní, grata e delitziosa,
Ti fissas s’abbitatzioni:
Su digiunu e s’oratzioni
est su pastu prelibbau.