Is Pregadorias antigas: su signo de sa devozioni - Provincia del ...

Comune di Villamar
Poita at predicau a totu is cristianus
una conca de mortu portàt in is manus
ca ndi dh’iat bogau de s’omu ’e s’ossia.
Diciosu...
Ca ndi dh’iat bogada de sa domu mortu
e ananti de Deus eus a donai contus
tristu de chini morit in agonia.
Diciosu...
Dispera in onore
de sa Madonna de Ítria 831
O de Ítria Vírgini Maria,
mamma de Deus onnipotente,
a sos cristianos imparau aes
sa bia cun d-una istella lughente
chi illuminadu at totu s’Oriente
pro salvare sa cristianidade,
o Madonna, tue ses sa vera guida
chi a medas salvadu aes sa vida.
Dopu sa cunfessioni 832
Àcua e sànguini pretziosu,
su coru miu est dolorosu,
su coru miu est dolenti.
Su chi non apu in sa menti
e su chi no apu cunfessau
cun preidi sagrau
e cun para cunfessori
cun Bosu cunfessu, o Signori.
Si apu iscarésciu calincunu pecau
a Bosu domandu
chi sia perdonau.
Gòcius de sa Vírgini Maria de Ítria 833
O Seràfica ermosura,
o divina Imperadora,
Pregai po nosu, Signora,
de Ítria Vírgini pura!
1) Luna mai eclissada,
Soli claru, luminosu,
Veru discansu e riposu
de s’ànima tribbulada,
In Bosu est discansada
dogna umana creatura.
Pregai…
2) Ortu conclusu, serrau,
Giardinu friscu, floriu,
Chi mai si dhui at biu
Nisciun’umbra de pecau,
Po èssiri in Bosu incarnau
Su Rei de s’eterna altura.
Pregai…
3) De David Turri perfeta,
De Iesse Vara florida,
De is mortus seis Vida,
De su Celu porta aberta,
De cudhus chi tenint ferta
De pecaus, seis cura.
Pregai…
4) Seis porta de s’Orienti,
Arca de su Testamentu,
Seis istada aposentu
De s’Altu Onnipotenti;
Seis aundi veramenti
S’inserrat dogna ermosura.
Pregai…
5) Cipressu altu, friscu e amenu,
Càndidu e biancu lillu,
Domu de s’altu consillu,
Celu istellau e serenu,
Fonti de àcua friscu e amenu
De grandíssima doltzura.
Pregai…
6) Seis Filla, Mamma e Isposa,
De sa Santa Trinidadi,
Po sa Bosta umilidadi,
Alcantzestis tali cosa,
591