Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
ri e po cudh’allerghia intertzedei po nosàterus po chi mai prus si sutzedat de pèrdiri
cun is pecaus a Gesús, e de dh’incontrai súbbitu recuperendu s’amicítzia sua simai
arruéssimus in sa disgràtzia de dhu pèrdiri noamenti cun calincunu gravi pecau.
Si cantat seti Babbunostus, seti Ave Maria e seti Gloria Patri.
Oratzioni e dedica a Santu Giusepi
O gloriosu patriarca Santu Giusepi chi de Deus festis postu a capu de sa prus Santa de
is famíglias, dignaisí de èssiri de su Celu capu e custódiu de custu pópulu, ch’istat
prostrau aranti de bosu, e domandat de èssiri arriciu bàsciu su mantu de su valorosu
patrocíniu bostu.
Nosàterus, fintzas de custu momentu, bos elegeus po babbu, po protetori, e consilleri,
po ghia e meri, e poneus bàsciu sa custódia bosta ispetziali is ànimas nostras, is corpus
nostus, is sustàntzias nostras, e cantu teneus e seus, sa vida nostra, sa morti nostra.
Bosu castiaisí coment’e fillus, e coment’e cosa chi a bosu apartenit. Difendeinosí de
totu is perígulus, de totus is insídias, de totus is ingannus, de is nemigus nostrus,
visíbbilis e invisíbbilis. Assisteinosí in totus is tempus, in totus is netzessidadis; consolainosí
in totus is amarguras de sa vida, ma ispetzialmenti in is agonias de sa morti.
Narai una paràula po nosu a custu amàbbili Redentori, chi bambinu portestis in is
bratzus bostus; a cudha Vírgini Gloriosa de sa cuali festis diletíssimu isposu, deh!
impetrainosí de issus cudhas beneditzionis, chi connosceis chi prus ant a giocai a su
bèni nostru, a s’eterna saludi nostra. Ponei in d-una paràula custu pópulu in su númeru
de cudhus, chi si sunti prus carus, e issu at a procurai cun d-una vida veramenti
cristiana de non si fai indigna de su patrotzíniu bostu.
Fei finalmenti, chi nosàterus totus ispireus invochendu cun sa língua, cun su coru su
nòmini bostu, de Gesús, e de Maria, e pustis andeus a gosai su Signori po totu un’Eternidadi.
Aici siat.
Fini de su Setenàriu.
Oremus
[...] 814
Su striamentu 815
Malia anda anda mali mal’andau
fogu de sàngui sàngui de fogu striau
grogu mali no capit mali càpiu
de istria striau ogu de stria t’acàpiu.
T’acàpiu istria ogu striau de stria
càpiu mali no capit mali grogu
striau fogu de sàngui sàngui de fogu
andau mali mali anda anda malia.
585