Is Pregadorias antigas: su signo de sa devozioni - Provincia del ...

584
IS PREGADORIAS ANTIGAS - SU SIGNU DE SA DEVOTZIONI
nostas e de dhu connòsciri in is pòberus, e abbisongiosus sucurrendidhus in is corporalis
e ispiritualis necessidadis insoru. Ohi! Si tantu eus a otènniri cun su favori bostu
in sa morti, chi de totus is cosas est sa prus terríbbili, po nosperus at a èssiri de totus
sa prus soavi e a simbilantza bosta eus a gosai in s’agonia nosta un’antitzipau Paradisu.
Aici siat.
Sesta dí
Sestu dolori e sesta allirghia de Santu Giusepi
O custódiu vigilantíssimu de sa vida de Gesús, gloriosu Santu Giusepi, bosu torrendu
cun issu de s’Egitu estis tentu ancora unu dolori in su coru a s’intèndiri, ch’in sa
Giudea regnàt Archelau fillu de su crueli Erode.
Ma s’àngelu de su Signori súbbitu benesit a bosi libberai de dogna angustia, e
allirgu po custa notítzia, salvu e líbberu festis torrau a sa pàtria bosta, cun su
bambinu Gesús.
Deh! Po cudhu dolori e cudh’allerghia, alcantzai a s’ànima nostra de èssiri segurus de
is nemigus nostrus, e acabbau s’esíliu de custa terra, de èssiri ammítius in sa pàtria
beada de su Celu in cumpangia de is Àngelus e Santus.
Si cantat seti Babbunostus, seti Ave Maria e seti Gloria Patri.
Oratzioni a S. Giusepi
Patzientíssimu Santu Giusepi, chi cun tanta magnanimidadi suportestis is prus
aspras tribbulatzionis, chini podit contai cantu mannu fessit su cuntentu chi
estis provau in morti, si ancora chi festis tribbulau in vida, sèmpiri allirgu e
prexau fiais? Bosu sí, chi festis biadu chi estis iscípiu bèni connòsciri is tesorus
chi sunt ocultaus in is patimentus, e nd’estis iscípiu bèni aprofitai! Deh! In
vista de is bellus esemplus bostus fei ch’intendaus de una borta, chi is tribbulatzionis
funti su caminu giustu e reali po su cuali sa providéntzia ghiat is eletus
suus a su Celu, e oteneinosí de dhas suportai cristianamenti po ch’in morti siant
sa giusta consolatzioni nostra.
Mantenei, o grandu Santu, in s’ispíridu nostu tantas bellas luxis, e avaloraidhas de
manera chi nos arrennèsciat de ndi aprofitai veramenti. Aici siat.
Sétima dí
Sétimu dolori e sétima allirghia de Santu Giusepi
Patzientíssimu Santu Giusepi s’ànima nostra non podit cumprèndiri su dolori chi
estis sunfriu in cudhas tres dis in is cualis, cun Maria isposa bosta benedita, andestis
circhendu s’amàbbili Gesús ch’in edadi de doxi annus pérdiu si fiat in su
templu de Gerusalemme aundi festis andaus in ocasioni de sa Pasca: ma però
prus manna fiat istétia s’allerghia e su consolu candu dh’estis incontrau in su
templu disputendu cun is dotoris, e dhu portestis cun bosu a Nàzaret, aundi issu
obbedienti, e sugetu s’istaiat comenti e chi fessit fillu bostu. Deh! Po cudhu dolo-