Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
Oratzioni a Santu Giusepi
Benaventurau Santu Giusepi chi cun s’osservantza costanti e esata de sa divina lei si
preparestis po s’última de is dis bostas un’invidiàbbili allerghia.
Oh! Cantu est istétia diversa sa conduta nostra, già chi nosàterus trascurendu sa santa
lei de Deus, e tzedendu cali fràgili canna a su súlidu de dogna bentu, si seus preparaus
po s’última de is dis nostas, rimordimentus e amarguras.
Guai a nosàterus si abbusendu de is luxis de su Celu, chi anti balenau in s’ànima
nosta, cunsiderendi is esemplus bostus, non cambiaus costúminis, e non pigaus mellus
coràgiu. Amabbilíssimu Santu, nos àterus finas de immoi risolveus de osservai
fielmenti e sèmpiri is cumandamentus de Deus a costu de calisisiat sacrifíciu. E poita
chi teneus bastanti rexoni de timiri instantementi imploraus su validíssimu patrocíniu
bostu, oteneinosí de connòsciri bèni sa divina lei, e de dha praticai fintzas a sa morti,
e at a èssiri custu su médiu de mirai serenu e placau a Gesús candu at a cumpàrriri po
nosi giudicai. Aici siat.
Cuinta dí
Cuintu dolori e cuinta allirghia de Santu Giusepi
Chini si podit figurai s’afannu chi su coru bostu iat provau, o amorosíssimu Santu
Giusepi, candu si fiat istau annuntziau de s’àngelu su bàrbaru disignu de Erodes, de
donai sa morti a su dilicau bambinu Gesús, e obbligau festis po dhu salvai, e libberai
de fai unu longu e disastrosu viàgiu in s’Egitu cun sa Vírgini Mamma sua?
Ma depiat èssiri istada dultzi ancora sa consolatzioni bosta, candu intrendu in cudhu
regnu, bistu estis arrui a terra is ídolus chi in cussu logu si adorànt in grandu númeru,
e aterraus e ruinaus is templus, is altaris profanaus. Deh! Po cudhu dolori e po cudh’allerghia
agiudainosí, o grandu Santu, a sustènniri cun passiéntzia is moléstias, is
tribbulatzionis, is persecutzionis de custu terrenu pellegrinàgiu, e a fai arrui a is peis
nostrus su Dimóniu chi cun is tentatzionis suas nos iat a bòlliri fai arrui in su pecau e
in s’orrendu abbissu de s’inferru.
Si cantat seti Babbunostus, seti Ave Maria e seti Gloria Patri.
Oratzioni a Santu Giusepi
Fortunau Santu Giusepi nos àterus nos intendeus commòviri su coru a teneresa, a su
biri presenti a s’agonia bosta Gesús; cudhu Gesús, chi sèmpiri fiat istétiu amau svisceradamenti
de bosu, cudhu Gesús, chi de bosu cun cura inesprimíbbili fiat istétiu
alimentau, e custodiu: presenti a cudhu, chi is àngelus totus non si cantzant de cuntemplai
in su Celu, e chi est sa sorgenti biada de is gàudius de su Celu! Eus a pòdiri
ancoras nosàterus èssiri a parti de tantas allerghias bostas in calincunu modu? Nosàterus
emus a èssiri po custu puru biadus. A custa beatitúdini eus a èssiri postus a
parti sentza duda, si nosàterus imitaus is esemplus bostus nobbilíssimus. Deh! Po sa
dulcíssima bosta morti, bosi suplicaus a nos impetrai unu raju de luxi celestiali po chi
potzaus connòsciri a Gesugristu, e unu incitamentu fortíssimu cun totu su coru, 813 po
dh’amai cun totu su coru, cun totu s’ànima, cun totu sa menti, cun totus is fortzas
583