Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
nostra? Ma no estis a pòdiri Bosu o Maria fai penetrai unu vivu raju de sa luxi Bosta,
in su prus segretu de is corus nostrus po dhus purificai bèni de una Borta? Ah! Si
nosàterus dhu bolleus, Bosu dhu podeis, poita tali virtudi bos est istétia cuntzédia de
sa Santíssima Trinidadi. Immoi adduncas dhu bolleus; si, dhu bolleus sintzeramenti o
Maria. Non prus impuresas de calisiollat sorta, non prus pecaus. Bosu o Abbogada, e
Mamma nostra seis puríssima, e nosàterus bolleus cun totu sa puresa possíbbili èssiri
fatus dignus fillus Bostus. Ecu po tantu is corus nostrus. Pigai o Maria purificaidhus
cun is manus Bostas Virginalis, cambiaidhus, infundei in issus sa luxi Bosta, e fatus
in custu modu dignus, presentaidhus a su Divinu Fillu Bostu Gesugristu, po chi po
mesu bostu aturint a Issu cunsagraus po totu una eternidadi. Aici siat.
Un Pater, tre Ave, un Gloria.
Fini
Siat alabau e ringratziau dogna momentu su Santíssimu e Diviníssimu Sacramentu;
Benedita sèmpiri siat sa Puríssima Immaculada Cuncetzioni de sa Beata Vírgini Maria.
Novenàriu po onorai su coru Santíssimu de Gesús 804
Siat po sèmpiri beneditu, e alabau su Santíssimu Sacramentu de s’altari e sa Puríssima
e Immaculada Cuncetzioni de Maria Santíssima cuntzebia sentza mància de pecau
originali in su primu istanti de s’èssiri suu naturali. Amen.
Primu dí
Onnipotenti e amabbilíssimu Signori, seis bosu, chi mi cumbidais a penetrai in su
Coru bostu sacratíssimu, po imparai is virtudis bostas sublimis, e po èssiri un’ómini
segundu su Coru bostu.
Oh! cantu est ricu de percetzionis su Coru bostu divinu! Cantu nóbbilis, e generosus
sunt is sentimentus suus! Totu in custu Coru s’incontrat in gradu summu. Amori
inifinitu po Deus, amori infinitu po is óminis est s’alimentu suu, e sa vida sua. O
Salvadori miu, chi po un’efetu de s’amori bostu m’eis fatu connòsciri custu tesoru de
richesas innefàbbilis. Feimí sa gràtzia, chi dèu porti sèmpiri imprimia in su coru miu
sa santa lei bosta.
E comenti s’alimentu, e su plaxeri de su coru bostu est istétiu sèmpiri su fai sa voluntadi
de Babbu bostu aici is disígius, e is afetus de su coru miu siant sèmpiri dirígius a
donai cumplimentu a custa voluntadi. Collocadhu, Deus mius, su coru miu asuba de
su Coru bostu, po chi nd’arríciat totus is caràteris, e is lineamentus. Dèu disígiu de
abbitai in su logu prus profundu de custu Coru adoràbbili. Is méritus suus ant a purificai
sèmpiri prus su coru miu e nd’ant a atzèndiri sèmpiri prus su fervori suu.
Fei, o Divinu Gesús, chi dèu mai prus mi ndi allarghi po pòdiri de dí in dí fai avantzamentu
in su caminu de sa virtudi, e po perseverai sèmpiri costanti in s’amori bostu
fintzas a s’últimu respiru de sa vida mia. Aici siat.
565