Is Pregadorias antigas: su signo de sa devozioni - Provincia del ...

564
IS PREGADORIAS ANTIGAS - SU SIGNU DE SA DEVOTZIONI
custas próprias figuras fuedhant ancoras a nosàterus. E giai dogna pópulu, dogna natzioni,
is mannus, e is piticus, is dotus, e is ignorantis, is ingegnus prus sublimis, e is
prus simplis, totus a una boxi aclamant s’Immaculada Cuncetzioni de Maria. E nosàterus
ancoras artzendu in mesu a is aclamatzionis universalis sa boxi nostra cunfessaus, e
firmamenti credeus beridadi de fidi de sa Santa Crésia giai definida chi puríssima, e
sentza mància de pecau, est istétia cuntzebida sa Mamma de Deus Maria.
Un Pater, tre Ave, un Gloria.
Oratzioni a sa Santíssima Trinidadi
O Trinidadi Santíssima únicu Deus! Bosu manifestais a is óminis cun su magníficu
linguàgiu de is profetzias, e de is figuras is òperas Bostas prus singularis, e prus
sublimis, e custa est un’efetu de sa Poténtzia, Sapiéntzia, e Bondadi Bosta infinita.
Cun sa Poténtzia fadeis Bosu serbiri is cosas de totus is tempus a dimostrai sa grandesa
de is òperas Bostas: cun sa Sapiéntzia eligeis, e disponeis is cosas prus remotas,
dhas iscieis rèndiri prus addatadas a illustrai is prodígius de su tempus futuru, cun sa
Bondadi Bosta agiudais sa debbilesa de sa menti de is óminis fadendu antitzipadamenti
sensíbbili, in medas, e vàrias maneras, sa ecelléntzia de custus mistérius, is
calis iant a èssiri issus incapatzis de cuntzebiri totu a una borta. Oh! Linguàgiu meravigliosu,
e stupendu, e totu dignu de Bosu o Trinidadi Augustíssima! Cun custu linguàgiu
Bosu annuntziais in dogna tempus a is óminis, e manifestais is grandesas de
Gesugristu, e de is mistérius suus, chi sunti s’òpera sa prus manna de sa Poténtzia,
Sapiéntzia, e Bondadi Bosta infinita. Ma in su própriu tempus, cun custu própriu
linguàgiu Bosu annuntziais e manifestais ancoras is grandesas de Maria, e spetzialmenti
sa singulari puresa Sua, est evidenti, chi custa puresa est de Bosu collocada
intre is òperas prus sublimis, prus perfetas, pustis de sa grand’òpera de Gesugristu.
Immoi duncas bosi ringratziaus o Trinidadi Beatíssima! Est Bosta sa glória de òpera
tantu bella, ma est nostra ancoras, poita po bèni de nosàterus ancoras bosi dignais de
dhas annuntziai in modu tantu sublimi. Deh! Cumplaxeisí de nosi fai ancoras dignus
de nosi ndi gloriai in custa vida, e in s’àtera.
Un Pater, tre Ave, un Gloria.
Oratzioni a Maria Immaculada
Puríssima Vírgini Maria! Cun chi su Celu, e sa Terra, Deus, e is óminis, s’antigu e
nou testamentu, dogna edadi, e dogna língua, su própriu inferru po confusioni, e
bragúngia sua manifestant sa glória de s’Immaculada Concetzioni Bosta. Nosàterus
eus considerau is títulus sublimis, po is calis Bosu possideis glória tantu bella, títulus
is calis sunt àterus, e tantus mistérius de saludi, e de consolatzioni po nosàterus. E
arribbaus giai cun custas piedosas, e salutaris consideratzionis a su términu de custu
divotu novenàriu, nosi incontraus in mesu a su splendori de custa Bosta, e de sa
puríssima allegria Bosta, ma cali utilidadi po nosàterus, si in s’internu nostru seus
ancoras totus tènebras e pecaus. Cali utilidadi po nosàterus, si ancoras teneus unu
coru impuru, o po s’afetu a is plaxeris sensualis o po una segreta supérbia, o po àterus
sentimentus corrúmpius is calis no eus ancoras iscaciau de su coru e de sa menti