Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
s’òpera infernali, de su chi fiat su Dimóniu in su dha cumpliri in is pérfidus consillus
suus? O forsis at a èssiri sa malítzia sua prus manna de sa santidadi Bosta in su donai sa
saludi? Ah! Chi Bosu bosi dimostrais meda prus santu e prus perfetu in su restituiri a
s’antiga bellesa sua s’ómini: de su chi bosi mostrais in su dhu formai in su printzípiu de
su tempus, e po conseguéntzia nosi donastis in Gesugristu unu nou Adamu totu Tzelesti
e divinu, in logu de s’antigu chi mancai innotzenti fiat terrenu, e in Maria una noa Eva
nosi donais meda prus santa, e pura de s’antiga. E mentras sa prima Eva, e su primu
Adamu vítimas aturant de unu malignu serpenti, su segundu Adamu, e sa segunda Eva
afrontant vitoriosus totu s’Inferru armau, e ndi sunt is fortíssimus bincidoris, e su perpétuu
terrori. Oh cantu ammiràbbilis sunt is òperas Bostas, o Signori.
Un Pater, tre Ave, un Gloria.
Oratzioni a Maria Immaculada
Puríssima Vírgini Maria! Bosu in s’instanti de sa Cuncetzioni Bosta cumpareis bella
coment’e sa luna bianca coment’e s’aurora, risplendenti coment’e su Soli, ma a su
própriu tempus terríbbili a s’inferru coment’e un’esércitu postu in órdini de batàglia.
Nemiga tantu valorosa e forti issu bistu mai no iat, e su solu nòmini Bostu inténdiu de
atesu in su paradisu terrestri dhu turbat e dhu aturdit. Ma ita cosa mai bosi fait tantu
terríbbili o Maria? Ah! dh’intendu, est sa puresa, e sa santidadi soberana, cun sa cali
fadeis sa prima cumparsa Bosta. Poita aici comenti de su soli fuint is tènebras, ne
custas manciai podint su splendori suu; de sa própria manera a sa luxi viva de sa
puresa e santidadi Bosta non podendu resistiri is ogus tenebrosus de is ispíritus infernalis,
fuint atesu de Bosu e su solu nòmini Bostu dhus confundit, dhus fait disperai, e
infuriai: e custu tantu prus in cantu, chi non de Bosu sola fuiri dhus fadeis, ma de
totus cudhus ancoras, is calis s’inferru teniat giai segurus. Si, o Vírgini Benedita!
Dèu bosi miru cali tzelestiali capitana, chi esseis de bell’e nou, e chi innumeràbbilis
sordaus divotus Bostus, e de Bosu ben’addestraus a sa gherra, cun Bosu portais a superai
is podestadis de s’Inferru. Ah! Poita no eus a èssiri nosàterus intre custus gherreris
fortunaus? Poita nosu scidaus po cumbati, e bínciri cun Maria? Si pigheus is armas suas
est a isciri sa puresa, s’umilidadi, sa custódia de is sentidus, s’oratzioni, sa santidadi.
Ma custas armas nosi parint pesantis, o Maria, e nosàterus seus meda débbilis mentras
is nemigus nostrus, chi sunt ancoras nemigus Bostus, sunt fortíssimus, e is assaltus
insoru violentus, e artifitziosus. Ita eus a fai duncas nosàterus? Ah donai o Mamma
valorosíssima a dognunu de is fillus Bostus una portzioni de su valori Bostu, po indossai
is armas de sa luxi, e cumbàtiri gloriosamenti contra is nemigus Bostus.
Un Pater, tre Ave, un Gloria.
Otava Dí
Maria finas de su primu instanti, non solamenti cumparri depiat valorosa nemiga, e
gloriosa triunfadora de s’Inferru, ma tanti ancoras, chi digna fessit de èssiri a sa
preséntzia de Deus s’abbogada de is pecadoris. No, no est beru, chi Gesugristu escluat
dogni àteru intercessori a su tronu de s’Altíssimu. Issu est beru, est únicu Redentori,
su mediadori, su soberanu. Pontífitzi, chi ricontzíliat su Celu cun sa Terra, is óminis
561