Is Pregadorias antigas: su signo de sa devozioni - Provincia del ...

560
IS PREGADORIAS ANTIGAS - SU SIGNU DE SA DEVOTZIONI
èssiri divotus Bostus o Maria, e a su própriu tempus isclaus de is plaxeris mundanus:
deh! Tzerriainosí interamenti a Bosu o potentíssima Maria, e po conseguéntzia interamenti
a Deus!
Un Pater, tre Ave, un Gloria.
Sétima dí
Sa primogénita de su Babbu, sa Mamma de su Fillu, s’isposa de s’Ispíritu Santu
Maria, cumparri depiat vitoriosa de s’Inferru, e tali realmenti cumparit. Non solamenti
tenit Issa a donai a su mundu su Verbu Incarnau, cun su cali riparaisí depiant
totus is malis causaus de is primus Babbus nostrus, po s’ingannu de s’infernali serpenti:
ma Issa etotu depiat èssiri finas de printzípiu nemiga de s’Inferru, e nemiga
tali, chi non solamenti atzéndia siat de ódiu summa contra is òperas suas, e salva
aturit de is infernalis astútzias, ma ancoras umilit cun d-unu colpu fatali s’infernali
poténtzia, de forti dha bínciat, ndi triunfit finas a su puntu de scerfai gloriosamenti
cun su pei suu virginali sa conca de s’antigu serpenti. Deh! Consoladí o Eva prima
mamma nostra! Lassa de una borta su plantu, beni e mira. Cudh’infami Serpenti,
cudhu ministru de morti mandau a tui de s’Inferru, cudhu chi causau iat su pecau
originali in totus is fillus tuus, si, cussu própriu serpenti est innòi abbàtiu e bintu.
Credendusí de giai meri de is àterus mortalis, tentat sagrilegamenti de si acostai ancoras
a Maria, ma non podendu penetrai cun su velenosu àlidu suu in su bistiri de
luxi, chi dh’adornat in su essiri de su nienti, aturat cunfúndiu e a su própriu tempus
umiliau asuta su pei suu virginali. Est a isciri biendu chi Maria mirat cun ogu [de]
disprétziu su pecau originali, non prus azardat de si vantai de tènniri in isclavitúdini
dogna umana creatura, e de artzai sa conca superba contra de Maria, ma aviléssiu, e
bintu si nd’istat asuta is peis suus mirenduridha cun terrori, e inutilmenti invidiendu
sa glória sua, cumplendusí in tali modu contra s’inferru s’antiga senténtzia pronuntziada
de Deus in su Paradisu terrestri: Apu a pònniri inimicítzias intre tui, e sa fémmina.
Issa at a scerfai sa conca tua.
Un Pater, tre Ave, un Gloria.
Oratzioni a sa Santíssima Trinidadi
O Trinidadi Santíssima únicu Deus! Cantu sunt ammiràbbilis is òperas Bostas, e is
camminus po is calis dhas portais a cumplimentu! Bosu formais s’ómini in sa innocéntzia,
issu arruit de cust’istadu felitzi, e dhu restitueis a s’antiga bellesa sua. Ma
comenti? Po mesu de is próprius camminus, po is calis Issu si fiat pérdiu, s’infernali
serpenti ingannendu sa prima mamma Eva, fiat istétiu sa càusa de tantu dannu, Bosu
bolleis, chi sa conca de cussu serpenti iscerfada siat de una fémmina, e de una fémmina
chi dhi tengat ódiu eternu, e cumpàngia sèmpiri triunfanti, e vitoriosa de Issu. Sa
fémmina ingannada at cumpliu cudhu grandu dannu, fadendi prevaricai ancoras su
primu ómini Adamu, e Bosu bolleis chi sa fémmina bincidora cumplat sa vitória Sua
donendu a su mundu su segundu Adamu, chi est Gesugristu.
In tali modu o Trinidadi Santíssima bosi cumplaxeis de annientai is òperas totus de su
nemigu infernali. Ma forsis o Deus Eternu seis Bosu mancu felitzi in s’annientai