Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
gna perfetzioni in Gesugristu. Ma Gesugristu fiat a su própriu tempus e Deus e ómini,
e fiat cumbenienti chi ancoras intre is creaturas inci fessit unu flori immaculau, in su
cali cumparessit perfetamenti ristabbiléssia s’òpera de Deus.
Po cumpliri adduncas custu altíssimu mistériu su flori elígiu fiat Issa Maria.
[...] 801
Oratzioni a Deus Creadori
Santíssimu creadori de is óminis! Fiat tropu giustu, chi bosu non lassestis perpétua
vítima de su pecau originali s’umana naturalesa, sa cali in su printzípiu suu iat tentu
de is manus bostas un’orígini puríssima. Fiat puru giustu chi una borta ndi pighestis
infàmia tantu manna de s’òpera bosta, su cali fintzas de printzípiu s’ogetu format de
is pensamentus bostus o po sa cali tanti amori eis in dogna tempus dimostrau. Fiat
puru giustu, chi dh’estis fata una borta ogetu dignu de is delítzias bostas, aici esigendu
s’onori, e glória bosta: Sí, fiat giustu, o dhu fadestis in Maria, non solamenti po
glória bosta, ma po consolatzioni ancora de is óminis. Glória po tantu siat a bosu po
totu un’eternidadi tribbutada de dogna creatura, ma prus de totu de s’umana naturalesa,
sa cali dignau bosi seis de mirai cun tanta benignidadi. Sí, glória, onori, beneditzioni
e alabantza sentza fini bosi tribbutaus o Illustríssimu Creadori nostru, nosàterus
chi mancai selaus [segliaus?] de su pecau originali, teneus nienti de mancu rexoni
de nos allirgai, de sa bella integridadi chi sa naturalesa nostra at acuistau in Maria.
Un pater, tre ave, un Gloria.
Oratzioni a Maria Immaculada
Puríssima Vírgini Maria! Nosàterus miraus cun allegria impari e timori, sa bella fortuna,
chi bosu estis tentu, de èssiri finas de su primu instanti collocada in d-unu gradu
totu nou de puresa, e de innocéntzia originali, medianti s’Immaculada Cuncetzioni
bosta. Cun allegria, poita custa pretziosa fortuna bosta fait in bosu bella e perfeta sa
naturalesa umana, a sa cali nosàterus aparteneus, e sa felitzidadi bosta benit a èssiri
po conseguéntzia glória nostra. Cun timori, poita cuntzebius, nàscius e créscius in is
pecaus, nos incontraus meda diversus de bosu e merescidoris de èssiri de bosu coment’e
indignus rigetaus. Ah! Vírgini Puríssima! Si bosu bosi dignais de aumentai in
nosàterus su giustu timori nostru, e rendiridhu prus salutari eis a aumentai ancoras e
rèndiri prus sólida s’allegria nostra. Sí, fadei chi penetraus de santu timori cun is
làgrimas, e is trabballus de sa peniténtzia continuamenti nosi purificheus de sa corrutzioni
de sa débbili naturalesa nostra, po chi assumancu debustis sa vida presenti, in
sa resurretzioni universali siaus cun allegria bestius de cudha pretziosa e immaculada
puresa, chi bosu estis tentu finas de su primu instanti de sa vida bosta. Aici siat.
Un pater, tre ave, un Gloria.
[...] 802
Oremus.
[...] 803
551