Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
Deus siat beneditu
Beneditu su Santu Nòmini suu
Beneditu Gesugristu veru Deus e veru Ómini
Beneditu su nòmini de Gesús
Beneditu su sacratíssimu Coru suu
Beneditu Gesús in su Santíssimu Sacramentu de s’Altari
Benedita sa grandu Mamma de Deus Maria Santíssima
Benedita sa Santa e Immaculada Concetzioni sua
Beneditu su nòmini de Maria Vírgini e Mamma
Beneditu Deus in is Àngelus e is Santus suus.
Segunda dí
Deus e Signori de is Àngelus a is calis racumandais is afaris gravíssimus de sa glória
bosta, e cantu benit a èssiri de utilidadi e brofetu a is óminis; dèu bos ofèrgiu is
méritus de custus ispíritus tantu solítzitus, e diligentis, e in particulari is méritus de
s’Arcàngelu bostu Santu Rafieli, su cali iais ispediu coment’e Ministru de sa piedadi
bosta po portai a cumplimentu is afaris de sa famíglia de Tobbias, su cuali medianti
sa solitzitúdini, e su serbítziu de s’Arcàngelu iat oténiu prontamenti cantu issu disigiada,
procurendidhi, po prus gràtzia, fintzas su collocamentu de su Fillu in d-unu
onestu e utilíssimu matrimóniu. Dèu bosi súplicu chi mi cuntzedais una seguresa
particulari in totus is afaris, e in dogna cosa chi at a èssiri recumandada, a s’impegnu,
e a sa sollitzitúdini mia, e su cumplimentu de totus is obbligatzionis, chi apartenit a
su stadu in su cali m’incontru collocau, comenti ancoras sa gràtzia de mi cunservai
prontu, e fideli a is avisus e inspiratzionis, chi at a plàxiri a bosu de mi fai intèndiri in
sa menti e in su coru dogna borta chi mi apu a dèpiri ocupai de is afaris tantu importantis
de s’ànima mia.
Tertza dí
Deus, e Signori de is Printzipaus a is calis po mesu de is Àngelus e Arcàngelus
donendu luxi e etzitamentu si pigant cura, e sollitzitúdini de sa saludi de is
óminis, segundu sa dispositzioni de sa divina voluntadi bosta, dèu bos ofèrgiu
is méritus de custus ispíritus felitzíssimus, e in modu particulari is méritus de
s’arcàngelu bostu Santu Rafieli, su cuali iat donau imparu a su giòvunu Tobbias,
po chi conoscessit sa virtudi, chi in tzertas maladias fiant próprias de is
vísceris de su pisci, e dh’iat illuminau in cantu a su portamentu e a sa cunduta
chi depiat cunservai cun s’isposa sua Sara, po otènniri sentza perígulu su frutu
de is beneditzionis de Deus.
Dèu bosi súplicu chi mi cuntzedais sa luxi, e s’imparu de custu Santu Arcàngelu,
po chi arribbi a connòsciri sa mexina ispirituali de s’ànima mia, e una santa
seguresa po non pigai ingannu in cantu a s’istadu a su cuali mi at a destinai sa
manu bosta divina, e de bíviri cun santidadi in s’istadu in su cali giai m’incontru,
po pòdiri plàxiri a bosu Deus miu, e aici acabbai sa vida cun d-una bona e
santa morti.
547