Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
Ah! infelitzis de nosàterus, chi non po àteru eus tentu sa gràtzia de bosi connòsciri, si
non po s’ofèndiri cun prus malítzia po s’oltragiai cun prus conoscéntzia, conosceus
imoi, e cunfessaus totu s’ecessu de is pecaus nostrus, dhus detestaus, e abborresceus
de totu coru non poita chi eus pérdiu su Celu, o meritau s’inferru, ma meda prus poita
chi pechendu eus oféndiu a Bosu, Deus amabbilíssimu dignu de èssiri amau prus de
totus is creaturas. Emus a bolli mòrriri po ricumpensaisí de tantus pecaus, e ofesas:
ma già chi bosu teneis prus aggradéssiu su sagrifítziu de su coru, chi non su sagrifítziu
de sa vida, ascurtai, bosi pregaus is suspirus, e is làgrimas de su coru nostru
contritu e umiliau.
Atzetainosí àtera borta in sa gràtzia e amicítzia divina, promiteus de non s’abbandonai
mai prus, segurus comenti seus, chi non s’at a mancai mai s’agiudu, e su confortu
bostu, a fronti de sa fragilidadi chi tantu nos oprimit, dispostus de parti nostra de
abbratzainosí mellus sa morti innantis de torrai a biri oltragiada po mesu de is pecaus
nostrus sa maestadi bosta infinita. Aici siat.
Invocatzioni a Santu Rafaeli
Gloriosu Arcàngelu Santu Rafaeli Príntzipi sagrau de sa Corti Celestiali, unu de cudhus
seti chi assistint a su tronu de su própriu Deus, si serbit de glória a sa maestadi
divina de su Signori, si serbit de onori a sa grandesa bosta, chi dèu otenga cantu
disígiu, e domandu in custa novena oteneimí de su Signori custa gràtzia, e si no
dirigei bosu sa pregadoria mia, e domandai po mei a Deus cudha gràtzia chi m’at a
èssiri prus cunvenienti po magiori glória sua, po vida, saludi, profitu, e utilidadi ispirituali
de s’ànima mia.
Prima dí
Deus e Signori de is Àngelus, a is calis racumandais sa custodia e sa guàrdia de is
óminis, dèu bos ofèrgiu su méritu, de custus Ispíritus Soberanus, e printzipalmenti is
méritus de s’Arcàngelu Santu Rafieli su cali mancai fessit de is Ispíritus Supremus, si
fiat abasciau a èssiri guida, guàrdia, custódiu, e cumpàngiu de cudhu piedosu giòvanu
Tobbia, serbendidhi de difesa in su viàgiu e libberendidhu in su caminu de dogna
perígulu de s’ànima, e de su corpus, Dèu bosi pregu, chi mi cuntzedais sa custódia, e
sa protetzioni de custu Santu Arcàngelu, e impari sa gràtzia chi domandu in custa
novena, po magiori onori, e glória bosta. Aici siat.
A Santu Rafaeli. Oratzioni po dogna dí
Santíssimu Príntzipi de sa glória e poderosu arcàngelu S. Rafieli, mannu in su celu po
is donus de sa naturalesa, mannu po is donus de sa gràtzia, mannu in su fervori de sa
caridadi, e in su splendori de sa sabidoria; mannu po sa bondadi chi teneis cun is
óminis, in su poderi chi esercitais contra is nemigus de s’inferru, mannu in sa dignidadi,
e grandíssimu in s’umilidadi, meixina de Deus, médicu de sa saludi, perfetu in
dogna calidadi de curas, saludi de is malàdius, passiéntzia de is paralíticus, luxi de is
tzurpus, consolatzioni de is afligius, custódiu de is chi s’incontrant in viàgiu, ghia de
545