Is Pregadorias antigas: su signo de sa devozioni - Provincia del ...

540
IS PREGADORIAS ANTIGAS - SU SIGNU DE SA DEVOTZIONI
mentu chi iat provau in custa penosa efusioni de Sànguini, a dhas libberai de cussu
fogu atrocíssimu, po chi potzant bènniri a s’alabai, benedíxiri e ringratziai eternamenti
in su Paradisu.
Pater, Ave Requiem.
5. Deus Babbu Misericordiosíssimu, dèu bos adoru profundamenti, e bos ofèrgiu a onori,
e glória bosta, e in sufràgiu de is ànimas Santas de su Purgatóriu, e in modu particulari de
cudhas chi sunt prus abbisongiosas e prus abbandonadas, in modu chi non tengant in su
mundu personas, is calis preghint po issas, cudhu Sànguini ispàrgiu de Fillu bostu Divinu,
candu fiat istétiu ispollau de is bistiris suus giai atacaus a is liagas de su Santu Corpus suu;
e bosi pregu po is méritus de su grandu dolori chi iat sunfriu in custa acerbíssima efusioni
de Sànguini, a dhas libberai de cussus crudelis turmentus, po chi potzant bènniri a bos
alabai, benedíxiri e ringratziai eternamenti in su Paradisu.
Pater, Ave Requiem.
6. Eternu Babbu benigníssimu, dèu bos adoru profundamenti, e bos ofèrgiu a onori, e
glória bosta, e in sufràgiu de is ànimas Santas de su Purgatóriu, e in modu particulari
de cudhas chi sunt prus ricas de méritus, prus distintas in sa santidadi, e prus dignas
de prémiu, cudhu pretziosíssimu Sànguini versau de Fillu bostu Divinu candu fiat
istétiu inclavau in sa Gruxi: e bosi súplicu po is méritus de cussus acerbíssimus ispàsimus
chi iat sunfriu in custa dolorosa efusioni de Sànguini, a dhas libberai de cussu
intzéndiu ardentíssimu, po chi potzant bènniri a s’alabai, benedíxiri e ringratziai eternamenti
in su Paradisu.
Pater, Ave Requiem.
7. Eternu Babbu Celestiali, dèu bos adoru profundamenti, e bos ofèrgiu a onori, e
glória bosta, e in sufràgiu de is Ànimas Santas de su Purgatóriu, e in modu particulari
de cudhas chi sunt de prus aggradessimentu bostu, e chi in su tempus de sa vida
insoru fiant prus divotas de Maria Santíssima, cudhu pretziosíssimu Sànguini chi fiat
bessiu de su costau de Fillu bostu Divinu, candu fiat istétiu apertu de una crudeli
lantzada pustis sa santa morti sua in sa Gruxi; e bosi súplicu po is méritus de cudhu
summu Amori cun sa cali iat versau custu últimu Sànguini, a dhas libberai de cussu
presoni de fogu, po chi potzant bènniri a s’alabai, benedíxiri e ringratziai eternamenti
in su Paradisu.
Pater, Ave Gloria.
Novenàriu a onori de nostra Signora de su remédiu 795
Atu de Contritzioni
Signori miu Gesugristu veru Deus e veru Ómini po èssiri bosu infinitamenti amàbbili
e poita chi bos amu prus de totus is cosas mi pentu cun totu su coru de s’ai oféndiu, e
propongu firmamenti de emendaimí, e de fuiri cun sa divina gràtzia bosta totus is
ocasionis de pecai.