Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
coru miu unu fervorosu amori po Deus! Bosu inflamaidhu, po chi dh’amit costantementi,
e pustis eternamenti dhu gosit in su paradisu, aundi dhu potzat ringratziai prus
ardentementi de is privilégius singularis cuncédius a bosu, e gosai po èssiri bosu
coronada de tanta glória. Aici siat.
Novena po is ànimas de su Purgadóriu 794
Atto di contrizione
1. Eternu Babbu dèu bos adoru profundamenti, e bos ofèrgiu a onori e glória bosta e
in sufràgiu de is ànimas Santas de su Purgatóriu, e in modu particulari de is ànimas de
is parentis mius, de is benefatoris, amigus, nemigus, e de totus cudhus po is calis seu
obbligau de pregai, cudhu Sànguini pretziosíssimu versau de Fillu bostu Divinu candu
iat sunfriu su tàgliu tantu duru de sa Circuncisioni e bosi súplicu po is méritus de
cudhas tèneras làgrimas, chi iat versau in cussa penosa efusioni de sànguini a dhas
libberai de cudhas penas crudelíssimas chi tanti dhas istràtziat, po chi potzant tènniri
a s’alabai, benedíxiri, e ringratziai eternamenti in su Paradisu.
Pater, Aver, Requiem.
2. Babbu Onnipotenti, dèu bos adoru profundamenti e bos ofèrgiu a onori e glória
bosta, e in sufràgiu de is ànimas santas de su Purgatóriu, e in modu particulari de
cudhas ànimas chi sufrint turmentus prus intensus e prus sensíbbilis, cudhu Sànguini
pretziosíssimu, chi cun tanti agonia iat sudau in s’Ortu su Fillu bostu Divinu: e bosi
pregu po is méritus de su spàsimu, chi iat provau in custa afannosa efusioni de Sànguini,
a dhas libberai de cussu presoni de turmentus, po chi potzant bèniri a s’alabai,
benedíxiri e ringratziai eternamenti in su Paradisu.
Pater, Ave Requiem.
3. Babbu piedosíssimu, dèu bos adoru profundamenti, e bos ofèrgiu a onori, e glória
bosta, e in sufràgiu de is ànimas Santas de su Purgatóriu, e in modu particulari de
cudhas ànimas chi sunt acanta de ndi essiri e intrai in sa glória de is Celus, cudhu
pretziosíssimu Sànguini, chi su Divinu Fillu bostu, cun tantu dolori iat ispàrgiu in sa
crudeli flagellatzioni, atrociadu a sa colunna, bastonau comenti dh’ianta cun tantu
fúria; e bosi pregu po is méritus de is penas chi iat sunfriu in custa duríssima efusioni
de Sànguini, a dhas libberai de cussas flammas vivíssimas, po chi potzant bènniri a
s’alabai, benedíxiri e ringratziai eternamenti in su Paradisu.
Pater, Ave Requiem.
4. Deus Babbu clementíssimu, dèu bos adoru profundamenti, e bos ofèrgiu a onori, e
glória bosta, e in sufràgiu de is ànimas Santas de su Purgatóriu, e in modu particulari
de cudhas chi depint aturai iní po meda tempus ancoras, e depint èssiri is últimas a
ndi bessiri, cudhu pretziosíssimu Sànguini ispàrgiu de su Divinu Fillu bostu, in sa
dolorosíssima Coronatzioni de ispinas; e bosi pregu po is méritus de su grandu tur-
539