Is Pregadorias antigas: su signo de sa devozioni - Provincia del ...

538
IS PREGADORIAS ANTIGAS - SU SIGNU DE SA DEVOTZIONI
sèmpiri e fei chi cun sa protetzioni bosta triunfi sèmpiri de is comunus nemigus de sa
eterna salvatzioni nostra. Aici siat.
Oratzioni po sa cuarta dí
O Luna reluxenti de puresa, Maria Santíssima Immaculada, dèu bosi fatzu is congratulatzionis
mias, mentras su mistériu de s’Immaculada Concetzioni bosta est istétia
su printzípiu de sa salvatzioni de totu su géneru umanu e s’allegria de totu su mundu.
Ringràtziu e benedixu sa Santíssima Trinidadi, chi at tantu magnificau e glorificau sa
persona bosta, e bosi súplicu de mi alcantzai sa gràtzia de m’isciri aprofitai de sa
passioni e morti de Gesús fillu bostu, e non siat po mei inútili su sànguini chi at
ispartu in sa gruxi, ma mi agiudit a bíviri santamenti e pustis a mi salvai, aici siat.
Oratzioni po sa sesta dí
O istella risplendentíssima de puresa, Immaculada Maria Santíssima, dèu mi allirgu
cun bosu, chi s’Immaculada Concetzioni bosta apat portau unu soberanu e grandíssimu
gosu e totus is àngelus de su Paradisu. Ringràtziu e benedixu sa Santíssima Trinidadi,
chi bos at arrichiu de tantu bellu privilégiu. Deh! Fei chi dèu intri una dí a parti
de custu gosu, e potza in cumpangia de is Àngelus alabantzai e benedíxiri po totu
s’eternidadi. Aici siat.
Oratzioni po sa sétima dí
O aurora rutilanti de puresa, Imaculada Santíssima Maria, dèu mi allirgu cun bosu, e
mi maravígliu, chi in su própriu momentu de sa Concetzioni bosta seis istétia cunfirmada
in gràtzia, e fata impecàbbili. Ringràtziu e esaltu sa Santíssima Trinidadi chi a
bosu solamenti at contradistintu cun custu privilégiu particulari. Deh! Alcantzaimí, o
Vírgini Santíssima, unu totali e continu abborressimentu a sa culpa prus de dogna
àteru mali, e prus prestu dèu mòrgia, che torrai prus a pecai.
Oratzioni po s’otava dí
O soli sentza mància Immaculada Vírgini Maria, dèu mi congràtulu cun bosu e tengu
gosu ch’in s’Immaculada Concetzioni siat istétia de Deus cunferia a bosu una magiori
gràtzia e prus copiosa, sa cali no ant tentu totus is Àngelus e totus is Santus in sa
plenitúdini de is méritus insoru. Ringràtziu de summa beneficéntzia de sa Santíssima
Trinidadi chi bos at cuntzédiu custu grandu privilégiu. Deh! Fei, chi dèu umilmenti
corrispunda a sa gràtzia divina, e mai mi ndi abbusi, cambiaimí in coru e fei chi
fintzas de custu momentu cumenzit su sintzeru pentimentu miu. Aici siat.
Oratzioni po sa nona dí
O luxi vivíssima de santidadi, e esemplu de puresa, Immaculada Vírgini e Mamma
Maria Santíssima, bosu apenas cuncebia eis adorau profundamenti a Deus, e dh’eis
ringratziau, giai chi po mesu bostu sciolta s’antiga maleditzioni beniat sa plena beneditzioni
supra is fillus de Adamu. Deh! Fei bosu, chi custa beneditzioni atzendat in su