Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
Novena in onore dell’Immaculada Concetzioni de sa Vírgini Maria 792
[...] 793
O Vírgini puríssima, cuntzebia sentza pecau, e finas de cussu primu istanti totu bella,
e sentza mància. Gloriosa Santa Maria, plena de gràtzias e Mamma de su Deus miu,
Reina de is Àngelus e de is óminis; dèu umilmenti bosi vèneru coment’e Mamma de
su Salvadori miu, su cali po chi siat Deus, mi at imparau cun s’istima sua, cun su
rispetu suu, e cun sa sommessioni sua po bosu, calis onoris e calis omàgius bosi depa
prestai, dignaisí, bosi pregu, de arreciri totu cantu in custa Novena bosi bollu cunsagrai.
Bosu seis su rifúgiu seguru de is pecadoris penitentis: tengu duncas rexoni de
ricúrriri a Bosu: seis Mamma de misericórdia; non podeis aduncas no èssiri inteneréssia
de is infelitzidadis mias: s’eis pustis non tènniri aggradéssia sa filiali cunfidàntzia
chi dèu tengu in Bosu: faimí dignu de mi nai fillu bostu, po chi dèu bosi potza nai
cun cunfiantza: monstra te esse Matrem.
Si cantint unu Babbunostu, un’Ave Maria e unu Gloria Patri.
Oratzioni po sa prima dí
Dèu seu presenti a is peis bostus, santíssima o Vírgini Immaculada, dèu grandementi
mi allirgu cun Bosu chi finas de s’eternidadi seis istétia elígia Mamma de su Verbu
eternu, e preservada de sa culpa originali. Ringràtziu e benedixu sa Santíssima Trinidadi,
chi bos at arrichiu de custus privilégius in sa Immaculada Cuncetzioni bosta, e
bosi súplicu umilmenti a mi alcantzai sa gràtzia de bínciri cudhus tristus efetus chi in
mei at prodúsiu su pecau originali. Deh! Fei Bosu, chi dèu dhus potza superai, e non
lassi mai de amai su Deus miu. Aici siat.
Oratzioni po sa segunda dí
O Lillu immaculau de puresa, Maria Santíssima, dèu mi allirgu cun bosu, chi fintzas
de su primu istanti de s’Immaculada Concetzioni bosta seis istétia plena de gràtzia, e
de prus seis istétia dotada de s’usu perfetu de s’arrexoni. Adoru e ringràtziu sa Santíssima
Trinidadi, chi bos at cuntzédiu donus tanti sublimis, e totu a sa preséntzia bosta
mi cunfundu po mi biri tanti pòberu e isprovistu de gràtzias. Bosu, o Signora, chi cun
tantu abbundàntzia festis arrichia de gràtzias celestialis. Deh! Essendi parti a s’ànima
mia, e feimí partítzipi de is maravigliosus tesorus de s’Immaculada Concetzioni bosta.
Aici siat.
Oratzioni po sa tertza dí
O mística Rosa de puresa, Maria Immaculada, dèu mi allirgu cun bosu, chi eis gloriosamenti
triunfau in s’Immaculada Concetzioni bosta de s’infernali serpenti, e chi seis
istétia cuntzepia sentza mància de pecau originali.
Ringràtziu e cun totu su coru alabantzu sa Santíssima Trinidadi chi bos at cuntzédiu
tantu privilégiu, e bosi súplicu e cuntzédirmi valori de superai dogna insídia de su
nemigu infernali, e non manci mai cun su pecau s’ànima mia. Deh! Bosu agiudaimí
537