Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
3. Conoscendu sa cleméntzia
De bosu, Vírgini sagrada,
Benit sa genti afamada
Cun votus e riveréntzia
Donendu po dogna doléntzia
Consolu medicinali.
4. Is chi de coru si suplicant
Sendu cosa cumbenienti
Alcantzant subbitamenti
Sa Gràtzia chi netzessitant
Po sa cali s’acreditant
Cun su títulu ispetziali.
5. Consolu de afligius,
Refúgiu de pecadoris,
Remédiu po is doloris
Dimàndanta totus unius
Tzurpus, tzopus e dolius
De dogna guta corali.
6. Ses de su mundu allegria,
Ses de su Celu bellesa,
De is Àngelus Printzesa,
De is Santus melodia,
Ses consolu e vera ghia
Contra sa culpa mortali.
7. Ses Giudita chi as prostrau
A Olofernes mortali,
Chi cun istrage fatali
As destruidu su pecau
Lassendu incadenau
a Lucíferu infernali.
8. Turri Davídica forti,
Rosa mística sagrada,
Oliva fortificada,
Cipressu de s’altu monti,
De is navigantis in noti
Ses ghia universali.
9. Arca mística Divina
Chi de su Celu as portau
Su pani Sacramentau,
Verdadera meixina
E de s’ànima mischina,
Remédiu medicinali.
10. Già chi in su Regnu divinu
Si teneus po avocada,
Po s’ànima tribbulada
Suplicaus de continu,
Mostrainosí su caminu
De sa pàtria tzelestiali
In cudha últim’ora
De s’agonia mortali
Alcantzainosí, Signora,
Su Remédiu generali,
Alcantzainosí, Signora,
Remédiu po dogna mali.
527
Gòcius de S’Immaculada Cuncetzioni 773
Salve, o nóbbili Creatura,
Salve, o benaventurada,
Tra is Vírginis sa prus pura
Ses, Maria Immaculada.
Fintzas de s’Eternidadi
Pura a is ogus de s’Altíssimu
Ses tui, lillu giucundíssimu.
Pura e casta in dogni edadi,
De s’Augusta Trinidadi
Filla e Isposa sublimada
Tra is Vírginis ecc.
De s’Eternu Mamma e Isposa,
O Divinu altu mistériu,
Cun sapienti magistériu
Est cust’ànima pretziosa,
Superiora a dogna cosa
Cun privilégiu formada.
Tra is Vírginis ecc.
De s’Èssiri architetau
Custu templu castu e puru. 774