Is Pregadorias antigas: su signo de sa devozioni - Provincia del ...

524
IS PREGADORIAS ANTIGAS - SU SIGNU DE SA DEVOTZIONI
reis misericordiosamenti cun is penas, amarguras, e agonias de sa passioni, e morti
bosta, e cun cudhus penetrantis doloris, chi tantu profundamenti iant penetrau sa Puríssima
Ànima de Maria Santíssima Mamma bosta in su pei de sa Gruxi. Amen.
Meditatzioni de su primu dolori.
(Tuam ipsius animam doloris gladius pertransivit)
Nosi cumpadesseus, segnora, de Bosu po su dolori, chi estis patiu iscurtendi in Paràulas
de Simeoni, candu bos iat profetizau chi su Coru Bostu iat a èssiri traspassau
de penetranti Dolori, fei, Segnora, chi sentaus in internu de su Coru nostu sa passioni
de fillu bostu, e is doloris, chi bosu patestis in issa: in memória de is cualis bosi
presentaus unu Babbunostu, seti Ave Maria, e unu Gloria Patri.
Oratzioni a Maria Santíssima po dogna dii
Soberana Vírgini Maria, e amatíssima Mama de misericórdia, chi teneis in s’ara de sa
gruxi a s’unigénitu fillu bostu, e redentori de is ànimas nostas, ofresseidhu, Segnora,
a s’eternu Babbu in aggradàbbili sacrifítziu po su remédiu de is óminis, e in satisfatzioni
intera, e abbundantíssima de is culpas insoru, e dimandaidhi chi mirit piadosamenti
a su Fillu suu crucificau po issu, e a Bosu amantíssima Mama sua, e po issu, e
po amori bostu si cumpadessat de is infielis erégius, scismàticus, e de totus cudhus
chi si incontrant in pecau mortali, e dhus fatzat intrai in connoscimentu, e in su grémiu
de sa Sancta Mater Ecclesia, Amen.
Dimandint sa Gràtzia.
Plantu de sa Beata Vérgini Maria.
[…] 770
Segundu Dí
Atu de contritzioni, ut supra.
Segundu dolori.
[…]
Nosi cumpadesseus, Segnora, de Bosu po su Dolori, chi estis patiu candu, po libberai
a Fillu Bostu Gesús de s’ira e furori de su Rei Erodes, depestis incamminaiosí a
s’Egitu, patendu in símili largu viàgiu tantu poberesa e netzessidadi. Fei, Mama de
Piedadi, chi Nosu siaus líbberus de is persecutzionis de is enemigus nostus visíbbilis,
e invisíbbilis, mentras in memória de custu Dolori bosi resaus unu Babbunostu, seti
Ave Maria, e unu Gloria Patri.
Oratzioni cotidiana a Maria Santíssima, ut supra.
Tertzu Dí
Atu de contritzioni, ut supra.
Tertzu dolori.
[…]