Is Pregadorias antigas: su signo de sa devozioni - Provincia del ...

520
Àngelu miu agodradori 765
Ses mandau de s’Arredentori
Po agodrai s’ànima mia
Chi mi fatzas cumpangia
Una vera atentzioni
Libberamindi de sa tentatzioni
E de s’aramigu infernali,
libberamindi de dógnia mali
a cust’ànima dolenti.
Chi mi tènganta presenti
Is portas de su celu
Santu Cunzaga Luisu
Santu Bissenti guerrieru
Santu Efísiu guerrieru
Si tengant a su fiancu
No fatzaus a mancu
De custa preghiera
Santa Rosa e Santa Vera
E Maria Maddalena.
IS PREGADORIAS ANTIGAS - SU SIGNU DE SA DEVOTZIONI
VILLACIDRO (BIDHAXIDRU)
Brebus de Sa Reina de sa solidadi 766
Una borta umilidadi
chi fiat in cumpangia
nosta Sennora ‘e sa ghia
chi est sa vista de Deus
totu is malis chi seus
ispina e santa coronada
de s’ortu ndi dh’iant bogada
sa columba acapiada.
Fiant arrutus a faci in terra
e parriant sordaus in gherra
in gherra e ingherrendu
totu sa noti prangendu
prangendu e suspirendu
e suspirus de su coru.
- Biu m’eis custu tesoru,
biu m’eis a Fillu miu?
Dèu camminu e no dhu biu.
Fiat s’ora de dh’aciotai,
sa mamma est benida a passai:
- Ita sceda mi ant a donai?
Mi ant a donai s’agonia.
Narai, Sennora mia,
afligida e dolorosa,
lúmina luminosa,
immoi nc’est passau unu
de Giudeu malatratau
chi luxiat prus de su soli.
- Cussu est Fillu miu Creadori,
Cussu est Fillu miu Deus.
Su bistiri ndi dh’ispolleus...
Nd’at tentu piedadi
sa reina ‘e sa solidadi.
Cògius de nosta Sennora de su Cramu 767
Suprema Regina esaltada,
Mamma de Deus elegida,
verga de Jesse florida
in su Carmelu plantada.
Supremu monti Carmelu
aundi tenit Palestina
cun opuléntzia divina
is tesorus de su celu
sen’e dannu ne rezelu
de dógnia gràtzia assegurada.
Verga de Jesse florida...
Is montis prus celebraus
in totus is emisférius
chi cun divinus mistérius