Is Pregadorias antigas: su signo de sa devozioni - Provincia del ...

Comune di Barumini
Po donai esémpiu a mei
Essendu de Mosei
Puntuali osservadori.
6. Po donai esémpiu a tui
O pecadori ostinau
Cust’angioni immaculau
Oferint po mei e tui
Solenniza custa dii
Fendi festa a cust’amori.
Gòcius de Santa Luxia V. M. 27
Chi si vènerat in su tertzu Domínigu
de Lúgliu in Barúmini
Cali istella luminosa
Illúminas is mortalis,
Dona rimédiu a is malis,
Luxia Santa gloriosa!
Siracusa de Sicília
Est sa pàtria tua diciosa
Aundi nascis bella Rosa
De illustríssima famíglia
Cun ispantu e meravíglia
Casta pura e virtuosa.
Dona ecc…
De bellesa singulari
Ti at dotau su Signori
Po ecessu ‘e grandu amori
Po donu particulari,
De gràtzias casi unu mari
Ti at fatu prodigiosa.
Dona ecc…
De sa prus tènera edadi
A Gesús cun puru amori
Dhi sacríficas su flori
Lillu de virginidadi
Cun afetu e caridadi
Allirga e meda gustosa.
Dona ecc…
Po èssi vera imitadora
De s’isposu tuu sagrau
A is pòberus as donau
Bènis e prendas ancora
Sentza ti fai Signora
De sa prus mínima cosa.
Dona ecc…
Ses colunna meda forti
In sa fidi e in sa puresa
Chi no at pótziu sa fieresa
De is turmentus, ne sa morti,
Faidí perdi cudha corti
Risplendenti e decorosa.
Dona ecc…
De Pascàsiu presidenti
Ses istétia cundennada
A èssiri acumpangiada
A logu de infami genti,
Ma Deus ti fait potenti,
Immóbbili e poderosa.
Dona ecc…
Ses de fogu ingiriada,
In su Rovetu cali Rosa
Cantas allirga e gososa,
E de issu non ses tocada,
Ti trapassat un’ispada
Su tzugu meda furiosa.
Dona ecc…
Aici totu trapassada
Arricis s’Eucarestia
Preannúntzias s’allerghia
De sa paxi suspirada
Ses in celu trasportada
De is àngiulus totu diciosa.
Dona ecc…
Ispeciali protetora
De sa vista corporali
In su sógliu celestiali
Sias nostra intercessora
51