Is Pregadorias antigas: su signo de sa devozioni - Provincia del ...

512
Babbu nostu 742
IS PREGADORIAS ANTIGAS - SU SIGNU DE SA DEVOTZIONI
Babbu nostu chi ses in celus, siat santificau su nòmini tú, bengat a nosu su regnu tuu,
siat fata sa voluntadi tua cument’e in su celu aici in sa terra. Su pani nostu de dogna
dí donanosidhu oi e perdonanosí is pecaus nostrus cumenti nosàturus perdonaus is
depidoris nostrus, non si lessis arrui in sa tentatzioni, libberasí de mali. Amen Gesús.
Cògius de Paschixedha 743
Celesti tesoru
D’eterna allegria
Dormi vida ‘e coru
Riposa anninnia.
Cògius de Santu Isidoru 744
Messaju miraculosu
Plenu de divinus rajus
Intercedi poi is messajus
Santu Sidoru Gloriosu.
1. De Ispagna sa capitali
T’invocat protetori;
inní as tentu s’onori
de su diciosu natali,
tenis sa glória ispetziali
de sepulcru prodigiosu.
Intercedi…
2. A Deus de gioventudi
Cunsagrendu is bellus annus
de su nemigu is ingannus
superas cun sa virtudi;
ses po s’eterna saludi
vigilanti e premurosu.
Intercedi…
3. Sempri fideli serbidori
Ses modestu e temperanti
Ses prus giustu e trabballanti
Poita chi amas su Signori,
prus trabballas cun amori
poita prus ses religiosu.
Intercedi…
4. In sa domu tua regnada
Cun sa gràtzia s’armonia:
sa cumpàngia tua Maria
vida santa praticada;
cun tui in Celu est coronada
plena de divinus rajus.
Intercedi…
5. A Gesús Sacramentau
ogna dí beneditzioni,
cun fervori e divotzioni
e cun fidi as dimandau;
su campu chi as coltivau
est su mellus frutuosu.
Intercedi…
6. Una dí de tropu arsura
Po ristoru de su sidi
In Gesús plenu de fidi
Bogas de una terra dura
Vivu fonti de àcua pura
Cun su strumbu prodigiosu.
Intercedi…
7. Fiast tropu calunniau
De sa genti imbidiosa
Ma innocenti in dogna cosa
Deus t’aiat declarau
De is àngelus agiudau
Ti bit su meri dudosu.
Intercedi…
8. Cun passéntzia e allegria
Patis dogna aversidadi,
ses cun totus caridadi
ses cun totus cortesia,
e su pani in cumpangia
pratzis cun s’abbisongiosu.
Intercedi…