Is Pregadorias antigas: su signo de sa devozioni - Provincia del ...

508
Brebus 726
Sant’Àrbara e Santu Giacu,
Bosu portais is crais de Celu,
Bosu portais is crais de lampu,
No tocheis fillu allenu
Ne in domu ne in su sartu.
Sant’Àrbara e Santu Giacu
*****
A Santu Miali conti 727
Ti pòngiu sa manu in su fronti
Po ti ndi bogai da sa tempesta,
No timast prus dopu notesta
Po càusa penua.
Santu Simoni
S’ogu ti torrit oi
Sant’Anna, su nonnu e Gesugristu
Ca issu est su maistu,
Maistu de sanai,
Issu dhu podit fai.
*****
In nòmini de Deus 728
S’ogu ti torreus
E de Sant’Antiogu
Ti torreus s’ogu
E de Sant’Obrai
S’ogu a Ti torrai
E de Santu Pantaleu
S’ogu ti torri dèu
E de Santu Libberau
S’ogu t’apu torrau.
Candu si andat a pigai sa comunioni 729
Santu Santu funti tochendi
Gesugristu est abascendi
Cun s’óstia cunsagrada
IS PREGADORIAS ANTIGAS - SU SIGNU DE SA DEVOTZIONI
Bèni ciueta e commossada
Cun su lati de Maria,
Bengat in cropus de s’ànima mia.
Cògius de Maria 730
In tronu de amori nostru
Impérias meda brillanti,
Infiamma su coru nostu,
Coru da Gesús amanti. (bis)
Ses coru tanti amorosu
De gràtzia pura e sorgenti
Toca cun manu potenti
Su coru miu acidiosu. (bis)
E dona póveru gosu
Un’amori perseveranti
Infiamma su coru nostu,
Coru da Gesús amanti. (bis)
Tali acessu de amori
Su coru tú at portau
De dh’èssi sacrificau
Po s’ingiustu pecadori. (bis)
Chi ti at obbligau a tanti
Infiamma su coru nostu,
Coru da Gesús amanti. (bis)
Custu coru apassionau
Essendi in gruxi ispirendi
A su Babbu istat preghendi
Po chi dh’at crocifissau. (bis).
Tali esémpiu a nosu at donau
Custu coru aici penanti,
Infiamma su coru nostu,
Coru da Gesús amanti. (bis)
Po cudhu coru pretziosu
De Mama tua virginali
Líbberat a nosu infernali
Est de s’inferru orgogliosu. (bis)